Ya pandulwa miilonga yawo yo kuhondja

0
245

Ku Pinehas Nakaziko

WINDHOEK – Konyala aaholi yoonguwo yapitilila pomwaalu 500 oya li ya holokele poHotela ya Protea moshilando ongulohi yOlyomakaya, opo ya tale euliko lyiizalomwa yaahondji aanongononi.

Euliko ndika lyolweetho olutine (4), okwali lyanyanyudha oyendji, oshoka okwa li ta ku gandjwa omakopi kumboka yalonga nuudhiginini. 

Mathew Erastus gwoM Creation oye a li a sindana po ekopi lyolweetho nduka olutine, nongundu yaahondji yaali yoT & M Creation, Tuyakula Shikomba naMaila Kalipi, yasindana po ekopi lyaahondji aashona, naamboka opo ta ya ilongo. Patrika Shivute okwa sindanapo ekopi lyomulumentu dhingi ngoka ha ende nawa omanga Kristofina Jason asindanapo ekopi lyokakadhina dhingi ha ka ende nawa.

Kakele kegandjo lyiikoloni, onguhohi oya endele nawa oshoka okwali yina omayinyanyudho gakwata miiti, moka oongundu dhaahondji dhili heyali (7) dha ulike uunongo wawo. 

Ongundu yoHouse of Apez Fashion oyo yotango ya ulike oonguwo dhawo, dhoka dhahondjwa nuukeka, neenguwo dhawo odha kwatelamo uuhulukweya uufupi, nowuna omuhoko gwaaCaprivi. 

T & M Creation oya li ya ulike oonguwo dhawo dhoka konyala hadhizalwa a shike uusiku nopiituthi, nodha hondjwa nuunongononi. 

Ongundu yoLSK Creation nawo oyali ya ulike iikutu yawo mbyoka yina omalwaala gayoolokathana, gwo gamwe ogatetwa poombinga. 

oM Creation ongundu ndjoka ya ulike oonguwo dhawo lwahugunina, no ya ulike konyala oonguwo dhaalumentu, dhoka dhahondjelwa mumwe niiyata yoshiwambo.

LEAVE A REPLY

Please enter your comment!
Please enter your name here