Aadhani yokarate ya pewa omapaya

0
217

KuShipi Elago

ONGWEDIVA – Aadhani yoKarate yeli 27  yopOshiputudhilo shoKarate mOngwediva shedhina Karate-Zen oya pewa oondondo dhayooloka muudhano mbuka moshituthi shaliko ongulohi yOmaandaha oshiwike shika.

Aadhani mbaka oya li yi ilikolele oondondo dha yooloka nokupewa omapaya goondondo ndhoka sho yali ya ulikile aagandji yiitsa ontseyo yawo muudhano mbuka.

Omukuluntu gwoshiputudhilo shika Shihan Freddy Mwiya okwa ti aagandji yiitsa oya li ya tala unene tu kiinima oyindji sho ya li taya gandja iitsa ashike shimwe shoka shali sha simana nomudhani kehe a li ategelelwa a gwanithe po osho elelepeko lyomadhewo.

Ta ti shika oshi li shasimana oshoka nonando aadhani yoKarate oyendji oyena uunongo oyendji ihaya vulu okumona omapaya ngaka shaashi ohaya vulwa mbala.

Ta tsikileko ta ti omalugodhi ohaga kala ita ga nuwa omeya onkene aadhani yoKarate yena okukala yakindja no ihaya vulwa mbala.

Okwa holola wo okuuva kwe nawa sho aadhani ye mboka yeli konyala uunona wOsikola sho ya li yuulike  ombepo yuudhano sigo opehulilo.

 Oshituthi shika ohashi ningwa konyala aluhe konima yoomweedhi mbali tashi ningwa pamukalo gokututsa aadhani kutalike ngele oya kuthako tu shoka ya longwa ku Shehan. 

Shehan olyo Edhina hali ithanwa aalongi yoKarate.

Mwiya okwa holola wo nkene uunona wuukadhona wuna ohokwe muudhano mbuka, ta ti shika otashi vulu wo okuya kwathela okwiigamena yoyene uuna ya ponokelwa kaahindadhi.

Shihan Mwiya okwati oKarate otayi kutha uunona momapandaanda nokuya kaleka yiipyakidhila opo ku yandwe iinima ngaashi, elongitho nayi lyiikolitha niingangamithi mokati kaagundjuka.

Aadhani yoKarate ohaya longwa nkene wo yena okwiigamena kaahindadhi, tati wo ohau eta wo enyanyu nuukumwe pokati komihoko dhayooloka.

Oshiputudhilo shika shoKarate oshali shapatulula tango Omiyelo dhasho monooli momumvo 1995,nomopayife osho shi li hashi gandja aadhani oyendji mOsipana yopashigwana.

Mwiya ta ti ohaya pula owala N$120 dhuukwashilyo no N$240 komwedhi, oyeli wo ya patulula oshitayi shimwe mOndangwa shili popepi no North Court.

LEAVE A REPLY

Please enter your comment!
Please enter your name here