AVBOB a gandja oshiketha omagano

0
198

ONAYENA – Ehangano lya tseyika nawa monooli lyomafumviko hali ithanwa AVBOB natango otali gandja omakwatho kwaamboka ye ga pumbwa.

Oshiwike sha ziko ehangano ndika olyali lya gandja oshiketha kaakwanezimo lya meme Kristiana Michael gwoomvula omilongombali na hamano (26). Kristian okwa manene oondjenda dhe oshiwike sha zi ko  nokwali omukalimo gomUukwanambwa moshikandjohogololo Onyaanya.

Wilbard Nangula ngono a lopotole ombelewa ya kansela mOnyaanya okwa tseyithile mbala ombelewa ndjika kutya omukwanezimo gwawo okwa hulitha na kayena oshimaliwa shokulanda oshiketha oshoka Kristiana okwa za moshigwana shAayelele ano oludhi lwaNalutezi na oya pumbwa ekwatho opo ya fumvike omukwanezimo gwawo.

Oyali ya tseyithile mbala ehangano lyo AVBOB ndyono lya tondoka noku uva onkugo ndjika. AVBOB okwali a gandja oshiketha shika omagano opo ya fumvike omusi gwawo nguka ye a ka vululukwe nombili.

Omukuluntuwiliki gwehangano  ndika monooli Thomas Nghishihange okwa ti yo moku uva onkundana ndjika oya kambadhala ya gandje oshiketha shika opo ya ka pake omukwanezimo lyawo. “ olundji shampa twa pulwa tu gandje omakwatho gatya ngeyika ohatu yamukula mbala oshoka Aayelele oyo yamwe yomaakwashigwana yetu ya pumbwa omakwatho unene onkee otuna okuya kwatha ngaashi tashi vulika oshoka nayo ohaye tu kwathele”, Nghishihange ta popi ngaaka.

LEAVE A REPLY

Please enter your comment!
Please enter your name here