Azax a gandja omapando goongaku kospana yo 911

0
259

KuMaria Namupala

ONAYENA – Azax Investment cc olya gandja omapando goongaku kospana yokatanga kokoompadhi ko911 ( Nine eleven). Azax Investment ehangano ndyono tali wilikwa ku Azaria Struggle Nashongo.

Omapando goongaku ngaka gamwe ogali ga gandjwa konima yiiwike iyali etaku hupu gamwe ngono ega gandja ku yamwepo yomaadhani ehuliloshiwike ndika. 

Nashongo okuli omudhani omukulu go911 nolundji oha gandja omakwatho kospana ndjika.

Nashongo okwa ti ota kala nokukwathela ospana ndjika yomoshitopolwa  “uuna mwa pumbwa ekwatho ngele tashiya kokatanga kokoompadhi tseyithilii ndje ngame ndi tale shoka tandi ningipo, itandi mu etha nande mu mone iihuna.”

Pethimbo ta gandja omapando goongaku ngoka geli omulongo (10), okwa kumike aadhanitanga mbaka yi itulemo mokatanga, yo ya simaneke uudhano opo ya yande omashongo ogendji unene ngoka ge ya taalela.

Aadhani yospana ndjika moku pewa oongaku ndhino oya li ya nyanyuka unene, ta ya holola kutya Nashongo oye gumwe gomOnayena heya kwathele ngele tashiya kiinima ya pamba omaudhano. 

“Otwa pandula unene kwaashono Nashongo etu ningile, otatu indile a tsikile noku tu ningila uuwanawa mboka twa pumbwa,” yamwe yomaadhani mboka yali ya holoka noku ninga oombangi sho Nashongo ta gandja oongaku ndhika osho ya ti ngaaka.

Chress Chrizo ngoka eli gumwe gwomaadhani yo911 naye okwa pandula ashihe shoka sha ningwapo ku Nashongo “shino hasho oshikando shotango tatu mono omakwatho okuza kuNashongo okwa kala noku tu kwathela ethimbo, onkene Kalunga na yambeke ashihe shoka ena,” Chress ta ti ngaaka.

Nashongo okwa gwedhapo tatsu omukumo aadhani mbaka yi itulemo momaudhano yo ya yambulepo uudhano momikunda noku wu eta pomuthika omwaanawa.

LEAVE A REPLY

Please enter your comment!
Please enter your name here