New Med a longekidha uudhano waaniilonga yuundjowele

0
136

KuShipi Elago

OSHAKATI – Ehangano lyoNew Med mehuliloshiwike lya ziko olya li lya unganeke uudhano wopambili waaniilonga yomoshikondo shuunamiti pokapale kEmanguluko mOshakati.

Sho a li me kwatathano na Kundana Mark Schmidbauek omuunganeki naangoka eli omukwateli komeho gomalanditho moNew Med okwa ti New Med oha longitha ompito ndjika okukutha oondohotola naaniilonga moshikondo shuunamiti miipangelo nokuya eta pamwe pamainyanyudho.

Okwa ti ndjika oyo ompito wo aaniilonga haya longitha okutseyathana noku topolelathana uunongo miipambele yopaunamiti.  Okwa tsikileko ta ti New Med oha longitha wo ompito ndjika okugandja omauyelele kombinga yombuto yoHIV/AIDS kaa kwashigwana mboka haya kala momwaalu omunene oku tala uudhano mbuka. Ota ti oosipana dhopaumwene nadho odhili dha manguluka oku kuthombinga muudhano mbuka.

New Med oye elimba lyokutopola iilongitho yopaunamiti miitopolwa yokuumbangalantu, na Mark ota ti ohaya longo yiitulamo oku andjaganeka iilongitho yuunamiti yili pamuthika gwopombanda.

Oosipana dhili ne odha li dha  kuthombinga muudhano mboka wa li tawu wilikwa komuhikihiya Dr Brow Ndofor gwoshipangelo sha Medi Park Ongwediva. Oosipana odho nee Oshakati Intermediate Hospital, Ongwediva Medi Park, Onandjokwe hospital, Ondangwa Health professionals, osho wo Oshakati Pharmacy.  Eesipana adhihe ndhoka dhali dha kuthombinga odha li dha pewa oombandi dha kwashilipalekwa ku New Med

LEAVE A REPLY

Please enter your comment!
Please enter your name here