Omukulupe ta ti galikaneni ombepo yomadhipagathano yi hulepo

0
155

NDANGWA – Omukulupe gwomimvo 88, Uusiku Imbili  ota indile  opo ya gongale ya wa pe oku kundathana edhiladhilo ndyoka tali kwathele uuyuni opo aagundjuka ya hulithepo omadhipago gaakiintu naanona. Iimbili  ngoka omukalimo gwomOndangwa okwa indile wo opo epangelo naavali ya tule, ombepo ndjika momagalikano opo yi hule po.  

“Otatu tsu ngaa oongolo pamwe ombepo ombwinayi ndjika tayi lotekwa ku Nampongo gwopombanda, oshoka ngele ombepo ndjika otwe yi galikanene nena Kalunga ote tu kwatha opo tu yi sinde ngaashi nga twa sindana miita,” Iimbili a ti.

Iimbili okwa li ta hokololele Kundana, sho a ningi oonkundathana naye opo a hokolole nkene ya kala haya kala sho taya thigwapo kaayalekwa yawo pethimbo ndiyaka oshoka ka kwali kuna omadhipagathano gopahole.

Omukulupe nguka okwa ti kutya yo ngele ya topoka ka kwali haya taalelathana kombanda yoonyala ashike oha ya topoka nombili na ngele okwe mu gonda iinima ye oyindji nena ohe yi tumuko aakuluntu. 

Okwati methimbo lyawo okwa li ha ya gandja iigonda yawo komeho gaantu ihe yo ka kwali ha ya dhipaga aayalekwa yawo ngele ya hulithapo okukala nayo mohole. Tse iigonda yetu okwali hayi monika kaantu oyendji na ka kwali tuna omahepeko gaakiintu ngaashi aagundjuka yongashingeyi ya ininga kaa ya hengwa.

“Ngashingeyi ombepo ndjoka yili moshilongo muka ondhigu uunene tuu maagundjuka, mboka taya dhipagathana  ashike omatompelo ngoka aantu mbaka haya  gandja aniwa aakiintu oya lya iinima yawo, shoka tashi gandja omaipulo ogendji komuntu,” osho ontungwa ya siikilila ombepo ya hokolola ya lulilwa.

Okwa ti uuyuni wongashingeyi owa pikwa kiikolitha , naagundjuka oya ningwa iihakanwa  na otashi pe omuntu omalimbililo uunene sho omuntu ta dhipaga nokuhepeka omukiintu ndele konima yomasiku sho eli konima yekumba otati kutya ye keli nawa momutse.

Iimbili okwati kutya shoka ka shi li mondjila nomethimbo lyawo ka ya li ha ya uvu inyengandunge ya tya ngaaka ashike ngashingeyi shika oshaninga onkundana ya kehe siku.

LEAVE A REPLY

Please enter your comment!
Please enter your name here