Uudhano waadhani kohi yomimvo 13 wa ende nawa

0
131

KuShipi Elago

ONDANGWA – Ethigathano lyokatanga kokoompadhi lyAanasikola yeli kohi yomimvo 13 lyokomumvo hali kwashilipaleka kewiliko lyOngeshefa yiitungitho Build It, olya enda nawa ehuuliloshiwike lyaziko.

Ethigathano ndika ohali kuthwa ombinga kOosikola omulongo 16 dhoka dha ninga shanamutango okwiishangitha. 

Pahapu dha Patricia Lamek ngoka eli Omukuluntu moshikandjo shomalanditho mo Build It Ondangwa otonamende oya li ye ende nawa no inaya tsakaneka nando omaupyakadhi ga sha. 

Patricia otati ndjika oyo yimwe yomoompito Ositola ya Build It hayi longitha okugandja okashona hoka hayi mono momalanditho gawo koshigwana shoka shi li osho esipa lyombunda methikamepo  lyoositola dha Build It moshilongo.

Okwa tsikileko ta ti okuuvite etumba unene okulonga pamwe naanona aashona mboka yeli onakuyiwa yoshilongo. Ta ti otaya ka galuka ya manga sha pama momumvo tuuka. 

Okwa ti oye na omathaneko wo okweetapo uudhano waakadhona yokohi yomimvo 13 wetanga lyomokambamba.

Shinime Shiivula Primary School oye ali asindanapo ethigathano ndika sho ali adhenge mushiidna she Heroes Primary School 1-0 .

Naashika oshape Shinime Shiivula ompito yotango muudhano mbuka opo a yambulepo oshipandi shoodola n$3000, ekopi, uukopi uushona komudhani kehe,iikutu yomaudhano nokumbendekwa oondjato nuundini womeya.

Heroes ngoka eya pehala etiyali okwa mbendekwa N$2000, uukopi uushona komudhani kehe, oondjato nuundini womeya.

Omudhani dhingi muudhano mbuka oye nduno Jason Mateus ngoka ali a kumitha aatali nuunyakwa we , Build It ine mu etha oonyala dhowala sho naye ali a pewa N$1000, ekopi nondjato. Oseko ya Andimba Toivo ndjoka yali yagandja iilongithomwa yawo yomaudhano, Okapale nuundjugo nayo oyali ya pewa olupandu N$1500. Omudheuli gwosipana yaShinime Shiivula, John Whitemen okwa ti aanasikola ye ohaya thiki komadhewo pethimbo esiku kehe,oye na esimaneko nolundji ohaya kala ya humbata osikola yawo komutima oshinima shoka, Whiteman  ta ti osho sha eta esindano kaamati mbaka.

Ta tsu aanasikola moshilongo ashihe omukumo opo ya kale ye na ohole yOosikola dhawo,evuliko nuupenda okueta omasindano kOosikola dhawo momathigathano geli komeho.

LEAVE A REPLY

Please enter your comment!
Please enter your name here