Ya nyanyukilwa iilongitho mbyoka ya pewa

0
101

KuMaria Namupala

ONDANGWA  – Ngaashi sha li sha ningwa kiikandjohogololo oyindji moshilongo ya pewa omakwatho okuza ko Ministry of Gender and Child Welfare oshowo sha ningwa mOkaku. 

Ooyene yooproyeka ndhoka dha li dha pewa omakwatho oya gandja olupandu lwawo kepangelo omolwa omauwanawa ngoka ya pewa okupitila moMicro Finance yo Ministry of Gender and Child Welfare. Micro Finance ehangano ndyono tali kwathele mokugandja omakwatho kaanangeshefa aashona mbono itaya vulu okuyambulapo oongeshefa dhawo ku yo yene.  Oproyeka yo Micro Finance natango otayi gandja omakwatho kaanangeshefa aashona, opo ya vule oku kokeka oongeshefa dhawo, yo ya gandje uuwanawa momikunda nelalakano lyoku kondjitha onkalo yoluhepo nookwaahena iilonga. Peyavali Hatutale oye mwene goshihondjelo P.H shono shili pOshekasheka. “Otwa li twa udhitha oofoloma okupitila mombelewa ya kansela noshihondjelo shandje oshali sha mono omakwathelo, otwa li twa pewa omashina gokuhondja gokolusheno, iipundi, iitaafula oshowo iinima oyindji mbyono oshihondjelo sha pumbwa,” Hatutale ta ti ngaaka.

“Otatu pandula epangelo sho tali hedhitha uuwanawa popepi noshigwana ngashingeyi ote vulu okuhondja iinima yandje nda manguluka, kandali ndishi ngele onandi ka mona uuwanawa wu thike mpaka, epangelo otali kambadhala shili li tupe iilongitho mbyoka twa pumbwa unene ngaa tse aanangeshefa aashona,” Hatutale ta gwedhako.

Anna Ndinomukulili na ye okwa li a pewa iilongitho, ngaashi eshina lyokuninga ookopi, ocompiuta, ooprinta oshowo iilongitho yomombelewa. “Ngame mwene ngashingeyi ondina aaniilonga yeli ya tatu (3) mongeshefa yandje, otandi pandula unene kansela gwetu sho te tu etele uuwanawa mbuka ando kalipo ando inatu mona omakwatho gatya ngeyika, otandi indile aagundjuka aakwetu mboka inaya mona omakwatho ngaka ya tsikile noku ga konga sigo ye ga mono,” Ndinomukulili e ya kumike.

LEAVE A REPLY

Please enter your comment!
Please enter your name here