Iipotha yekwatonkonga ya shuna pevi mOmusati

0
128

KuLoide Jason 

OUTAPI – Opolisi yomOshitopolwa shaMusati oya ti iipotha yekwatonkonga oya shuna pevi okuyelekanitha nomvogwali okuza muJanuali sigo omuJuli.

Iipotha yekwatonkonga okuza mu Januali sigo omo Juli nuumvo oyi  li ashike 35 omanga yomimvo dhapiti yi vule po mpoka.

Omupopiliko gwopolisi moshitopolwa shaMusati Warrant Liineekela Shikongo okwa ti, shito omakwatonkonga mOmusati ohaga kala ga indjipala pethimbo uunene tuu lyiilya momapya ashike nuumvo ogeli hwepo.

“Omakwatonkonga ohaga kala uunene ga pindjala pethimbo lyiilya yili momapya ashike nuumvo ogeli hwepo ngele to yelekanitha nomimvo dha ziko pethimbo ngaa ndika,” Shikongo a ti ngaaka.

Warrant Shikongo okwa gwedha po kutya omwedhi ngoka gwa li guna iipotha oyindji gu vule oonkwawo ogo Apilili ngoka gwali guna iipotha 7 ashike aatamanekwa 4 miipotha muka okwa li ya kwatwa na oye li natango momake gopolisi.

Omweedhi Apilili ogwa landulwa kuMaalitsa na Juni yena iipotha yekwatokoonkondo yili ihamano kehe gumwe naatamanekwa yatano kehe moomwedhi ndhika mbali oya li ya kwatwa.

Mu Januali, Febuluali na Mai omwa li mwa lopotwa iipotha yili ine kehe momwedhi moka aatamanekwa yomuFebuluali ya li ya kwatwa ayehe, yaMai okwa li ya kwatwa yatatu omanga ya Januali pwa kwatwa ashike ye li yaali.

Juli omwa li ashike mwa lopotwa iipotha yoludhi nduka yili iyali mbyoka aatamanekwa yomoshipotha muka yali ayehe ya dhitikwa kopolisi. 

Oshinigwanima oshitalala osho shoka shomuniilonga gwomegumbo ali a kwata okanona komimvo 14 onkonga eka kwatele megumbo lyahekulu moka ali ha longo.

Oshiningwanima shika osha li shaningilwa molukanda lwOnandjamba moshikandjohogololo shaKalongo mpoka aniwa omunona ali a kala pegumbo lya hekulu mOkalongo uule womasiku omashona sho a zi a koshipangelo hoka kwa li ta ha mangululwa kiilalo mbyoka a li  ena sho a li a mono oshiponga komulilo.

LEAVE A REPLY

Please enter your comment!
Please enter your name here