Nelao, gumwepo gwomuukadhona dhingi monooli

0
227

KuPinehas Nakaziko

WINDHOEK – Lyria Nelao Shipa okakadhona (18), omvalele yokOngha yaNanghonda mUukwanyama oyo onelende yuugwanga ndjoka yina uunongo watsa, ngele tashiya kiitopolwa ya yoolokathana yomainyanyudho.

Nelao omulongwa gwoposekundo sikola yopombanda yaNehale  na okwa tamekele oku kuthombinga momathigathano gokakadhona dhingi okuza mo 2010, unene moosikola dhokonooli shoka shali shemu etele ondumba yiishani mbyono a sindana iikando oyindji moskola ngaashi oNehale, Uukule, Ekulo nOnguti.

Kakele kwaashika, Nelao okuli omundaanisi nomuhikingalo wo. 

Ota ti  ngaashingeyi okuli a ipyakidhila nekonakono lyondondo ontimulongo nontiyali, mono ta ti ina hala nande a uvithe aakuluntu ye nayi. Okwa tegelela a shike efudho opo atsikile nuunongo we, ye aninge apitithe uungalo we wumwe mboka ewu ningila koNambeats, pamwe na kuume ke Ndeshi. 

Ota ti otaka kuthombinga momathigathano ga yoolokathana gopombanda unene tuu ngoka haga kala ko oku tameka muNovemba.

“Ondina ondjodhi onene okukakutha ombinga muMiss Namibia omimvo dhokomeho, nonda hala okukala omunduluki gwiikutu a simana muuyuni.

 Mongaashingeyi kandili naana oshilyo shomodeling agency, ashike einekelo olyo okumana opo ndi vule okuhumitha nawa komeho oshipewa shandje.  

Ohandi kala unene ndina enyanyu lyambishi megumbo mwa tselwa uuna nda sindana oshishani shethigathano noshowo iitya yomukumo mbyoka handi lombwelwa kaakwanezimo oshowo kookuume kandje,” Nelao ta ti.

Nelao ota halele elago aanasikola pamwe na ye moNehale, osho wo poosikola dhopuushinda. 

LEAVE A REPLY

Please enter your comment!
Please enter your name here