Omudhani gwoGolfa omugundjuka ota ka adha oshindji

0
163

KuCarlos Kambaekwa 

WINDHOEK – Omudhani guudhano wo Golfa omuNamibia okwa tegelela oku ka adha oshindji muudhano mbuka monakuyiwa, ngele okwa mono eyambidhidho lyiilongitho ndyoka lya pumbiwa.

Kasoma Paulino, ngoka a li a kalelapo Namibia puudhano wogolfa waagundjuka pethigathano lyOmanyakwa omagundjuka guudhano mbuka mo Liverpool sha Engelanda okwe ya pehala eti 47 mokati kaadhani ayehe kumwe 125 mboka ya li ya kuthombinga  muudhano mbuka

Kasoma, 17, okwa li a dhana nawa nokudhenga nawa okatanga kogolfa kutya ngaaka ngele ando Tiger Woods opo a li puudhano mbuka, ando okwa si efupa omolwa okudhana kwomumati omugundjuka nguka unene okushi talela moomvula dhe.

Omumatyona nguka ota vulu okuyelekanithwa naadhani yaNamibia ya simana no ya tseyika nawa muudhano mbuka yoo, Adre Basson, Trevor Dodds, Joe Nawanga na Schalkie van der Merwe.

Nonando uudhano owa dhanwa mombepo nomomvula, Kasoma okwa li a mono iitsa 75 mesiku etiyali naashika oshe mu tula pehala eti 47 okuza mokati kaadhani yogolfa ya li taya kuthombinga yeli 125.

Iitsa ye 84 no 75 oya li ya gwana oku mu tula pehala lili nawa mesiku etitatu lyuudhano mbuka. 

Shoka tashi nyanyudha  ooshoka kutya ye ongo omudhani  okwa li pehala etitatu mokati kaadhani omilongo 21 ya za moshitopolwa shAfrica a landula omudhani Luca Fillipi gwokoSouth Africa , ngoka oye a li pehala etiyali a landula omudhani a za ko Nigeria.

Omudhani Kevin LeBlanc gwoko Ireland okwa mono iitsa omilongo  74 nokukuthapo ekopi lyiilongo yo Nordic naEuropa lyOpokati.Omanga omudhani ngoka a dhana e mu landula, Teodoro Soldati gwoko Italia okwa sindana po ekopi lyanuninwa iilongo yOmuumbugantu waEuropa.

Fillippi oye a li omudhani dhingi mokati kaadhani yAfrica. 

Nguka okwa mana uudhano eli komeho gaadhani ayehe yaza koAfrica.Ihe nando ongaaka ina mona esindano lyopombanda oshoka iitsa oya li ya gandjwa shiikwatelela kiitsa mbyoka omudhani a mono konima yokudhana muulambo wu li 36.

 “Ngame otandi pandula sho R&A ya kwathele opo nguka a kuthombinga muudhano mbuka.Otandi indile aawiliki yomaudhano ya kale noku pa aadhani iipumbiwa mbyoka ya pumbwa opo ya vule okukuthombinga momaudhano,”osho   Kandas Paulino, he ya Kasoma ngoka a li eende pamwe  nomwana okuya koUK  a ti.

Paulino okwa ti uudhano mbuka owa li uuwanawa,na Kasoma okwiilongo oshindji okuza kaadhani ooyakwawo yaza menenevi Africa, oshowo kaadhan yalwe yiilongo yilwe yomuuyuni.” Uudhano mbuka owa pe wo aadhani mbaka aagundjuka okutunga omakwatathano guukuume ga kolelela.

LEAVE A REPLY

Please enter your comment!
Please enter your name here