Toppy naSuccess na yo ya thiki mehangano lyoongalo

0
158

KuPinehas Nakaziko

WINDHOEK – Toppy  Ashipala na Success Nyambe oya mono kutya omunwe gumwe ihagu itombola ona, na oya tokola opo ya imbe oongalo dhawo pamwe.

Omanyakwa moongalo konyala gomaludhi agehe goongalo hadhi imbwa moshilongo inaya putuka pamwe, oshoka kaye shi yomuhoko gumwe, kehe gumwe okuna eputudho lyomuhoko gwe. Toppy naSuccess oya eta po oongalo dhongushu nodhopamuthika goshiAfrika ndhoka ya tamekele okwiimba pamwe manga aashona.

Konima sho yali yanyanyukwa keteyo lyokangalo kawo kotango hoka ta ka ithanwa Mella ka piti omvula ya ziko, aalumentu mbaka yaali oye li ya itula momalongekidho gakwata miiti, opo ya longekidhe oalubuma yawo ndjono ta yi kapita kuyele nuumvo kohi yehangano lyoSefikile Records.

 Moalubuma ndjika otamu ka kwatelwa oongalo nee Dont confuse, Bollas, Mella, Oshimaliwa naLife moka taya kwathelwa kuNeslow naSkinnie.

Moalubuma muno oya longa nee pamwe na Glo, Shark Shark osho naM-Jay. “Otuli tatu longo ne itulemo sigo tatu adha oondjodhi dhetu, ashike aluhe iikando oyindji ohatu nyengwa oshoka katuna omuwiliki nomukwateli komeho gwoongalo dhetu. Nesimaneko enene ota tu indile ishewe omuwiliki gwoongalo dhetu oshoka ohima oyina uukali wokuyamitha ashike magundji kayina,” Toppy ta ti ngaaka. 

“Otuna ashike okuumbila muutati wetu no katuna esiku tu shune oshithi monima. Otandi dhenge woo omuthindo omunene maahikingalo yakale yena elongelo kumwe lyakola opo ya yambulepo oongalo dhoshiNamiba,” Success ta indile moshigwana

LEAVE A REPLY

Please enter your comment!
Please enter your name here