Uudhano waOld Mutual wa patululwa pambelewa

0
156

KuShipi Elago

ONGWEDIVA – Oshinyanga shiigongi sha Etuna Guest House ongulohi yetiyali oshiwike shika osha li shuudha unene sho Old Mutual a ningi epatululo pambelewa lyuudhano wOosikola dhokoNooli.

Nonando ethigathano ndika lyOosikola olya tamekele nale kuyele omwedhi nguka, elelo lyo Old Mutual olyali lya ningi oshituthipatululo shoka sha li sha kalwa kOmuwiliki Omukuluntu  gwa Old Mutual  Oshikandjo shOmakwashilipaleko omafupi Sakaria Nghikembua.   

Moshipopiwa popitho she Nghikembua okwa ti Old Mutual iha yambidhidha omaudhano nelalakano andola a humithe komeho edhina lye, ashike ohe shiningi oku kwathela aantu koohandimwe, aanasikola, oosikola, noshigwana ya adhe oondjodhi dhawo.

Tati uudhano ohaukwathele aantu yakale yena uundjolowele,ohau eta aantu pamwe ya pange uukuume  nokuhanganitha iigwana. Nghikembua ta ti  uudhano owuna oonkondo okupendulapo uuluyi waanasikola, nota wu vulu okugandja iilonga noku nawapaleka oonkalamwenyo dhaantu.

Ta tsikileko ta ti Old Mutual ehangano, ekulukulu enankondonkondo olili ngashingeyi lya longitha omamiliona geli gaali muule womimvo 11 mokukwashilipaleka uudhano wOosikola dhoko Nooli.

Okwa kombo kombunda omahangano ngaashi Business Connexion,OTB Sports, Marathon Sugar na Waltons Stationery sho taya tsikile noku yambidhidha uudhano wa Old Mutual pamikalo dhayooloka.

Ta ti ongo onkamabdhala yokupendulapo omaudhano gena ongushu, Old Mutual otaka gandja omadheulo kaahiki hiya aape yokatanga kokoompadhi naahoka komokambamba, naamboka aakulu otaya ka pewa ompito yokwiigwedhelako.

Oshiithanene shika oshali shakalwa komunambelewa gomaudhano goshitopolwa shaMusati, Bishi Uushona, Sackaria Eelu  Omukuluntusikola gwa Gabriel Taapopi SSS,oshowo kaa unganeki yomaudhano aalongisikola naadheuli.

LEAVE A REPLY

Please enter your comment!
Please enter your name here