Uudhano woHotel Destiny wa nyanyudha oyendji

0
166

KuShipi Elago

OSHAKATI – Otonamende yaalongisikola moNooli ndjoka ya kwashilipalekwa koHotel Destiny oya li ya mwenyeke ondoolopa yaShakati ehuliloshiwike lyaziko.

Uudhano mboka wa kala hau kwashilipalekwa kehangano lyaalongisikola NANTU mongashingeyi owuli hawu kwashilipalekwa koHotel Destiny.

Konyala iikandjolongo yi li 34 oya li ya kutha ombinga muudhano mbuka wa li wa dhanwa muule womasiku gaali, moka Aalongisikola yali ya kutha ombinga mokatanga kokoompadhi, okatanga komokambamba, netanga lyokomake.

Elly Ndjukuma  Omuwiliki gwAkwaalukehe  goko Destiny Hotel okwa ti ekwashilipaleko ndika oli li shimwe shomiinakugwanithwa yoHotel Destiny okugandja koshigwana okashona hoka haya mono okupendula po omaudhano nokweeta Aalongi mboka yeli oothimba yina ongodhi mehumokomeho lyoshilongo.

Ndjukuma  ta ti oya ilongekidha okugaluka nekwashilipaleko nomomuvo taguya moka a gandja euvaneko kutya otaya ka galuka ya manga sha pampa onkene oomitri nojevrou naya tule onguti puuya oshoka oombwa dha kwata odhawo.

Nonando Oosipana dhokatanga kokoompadhi odhali odhindji noonkondo shika inashi  ya uudhano moshipala sho edhingoloko lyahugunina lyadhanwa konyala pokati kuusiku wOsoondaha yaziko, nuutalala wokoongulasha inawu shololitha iikandjolongo Okalongo nOutapi  mbyoka ya thiki kedhingoloko lyahugunina.

Oshikandjolongo Okalongo osheya muudhano mbuka nondjokonona yokudhana medhingoloko lyahugunina iikando oyindji moka sigo ongashingeyi  inaa shi pondola okusindanapo ethigathano ndika.

 Onkene oshikandjolongo Outapi  osheya medhingoloko lyahugunina shina omukumo kondjokonona yOkalongo naashika osheya pe esindano nando olya li lyapitile meyulu lyOngwiya, sho ya tompola okudhengamo Okalongo nokoola yimwe mokakangwa.

Outapi owa toolapo ekopi, oombandi dhoshingoli, noshipandi shoodola  2500, Okalongo okahekelekwa noombandi dhoshisiliveli noshipandi shoodola 1200.

Oshikandjolongo Onankali  osho  omusindani gwotango guudhano woHotel destiny sho adhengemo oshikandjo Oluno  medhingoloko lyahugunina nokutoolapo okapandi 800, nOluno olwa pewa 400, muudhano woVolley.

Omapapa gokatanga komokambamba inaga gandjwa konima sho takufekelwa kutya Osipana yokatanga komokambamba oya longitha omudhani keena uuthemba wokudhana methigathano ndika ngoka taku tiwa okwa fa keeshi naanaa Omulongisikola, naashika oshi li tashi konaakonwa kokangundumutima kelongekidho lyuudhano mbuka.

Joseph Angala Kapteina gOsipana yoshikandjolongo Outapi okwa ti oya kala taya idheulile uudhano mbuka ethimbo ele naashika osho shili oshinenenima shoka she etitha esindano  lyawo.

Tapandula aadhani ye sho yali yu ulike ombepo yuudhano nokugandja oshiholelwa oshiwanawa kaagundjuka mboka yali wo yaningi oombangi.

LEAVE A REPLY

Please enter your comment!
Please enter your name here