Uudhano wombokisa itaawu nuwa meya ehuliloshiwike ndika

0
250
Omundohotola Rolando Vila (kolumoho ) ta konakona omumbokisi Imms ‘Prince’ Naidjala pethimbo lyomakonakono gopaunamiti poombelewa dhoNamibia Boxing Control Board (NBCB) moWindhoek.

KuCarlos Kambaekwa

WINDHOEK – Aaholi yuudhano wombokisa otaya ka nyanyukwa Olyomakaya ndjika shono taya ka tala uudhano inaawu monika nale waadhengingonyo, unene tuu uudhano utatu mboka tawu kondjele omapaya .

Aadhengingonyo yaali moshilongo mondjundo yoBantamweight otaya ka kondjela epaya mondjundo ndjika molugodhi ndoka lwa tegelelwa talu ka kala olwaanawa pokati kaambokisi yaali yomoshilongo  haya dhenge ongonyo tapa zi ontsi.

Enyakwa mondjundo ndjika molutu lwOongonyo lwo WBO Africa Bantamweight, Immanuel “Prince” Naidjala, ota tula epaya lye lyondjundo ndjika poshitaafula okuli gamena lyaakuthwe po komudhengingonyo ngo ha dhenge oongonyo dhakukuta, Joseph “Smokey Joe” Hilongwa, molugodhi lwomadhingoloko omulongo nagaali, nolugodhi olunene lwongulohi ndjoka mokati komalugodhi 10 kohi yoshipalanyolo Uudhano wOmbokisa Ohenda kaa yipo oshitopolwa oshititatu. Uudhano otawu dhanenwa poWindhoek Country Club Olyomakaya ndjika.

Aadhengingonyo mbaka yaali ayehe oya za koshitopolwa Omusati moshikandjohogololo Okalongo, no yena ondjokonona yokudhenga oongonyo yi tya shoo. Naidjala, okwa sindana omalugodhi 18 gomomalugodhi omilongo 20 a dhengwa lumwe ye ta dhana shithike pamwe molugodhi lumwe, omanga omukondjtihi gwe okwa sindana momalugodhi 12 nokudhana shithike pamwe pauteknika momalugodhi 13.

Molugodhi olunene kohi yaandoka lwongulohi  Samuel Kapapu ota ka kondja nenyakwa mondjundo yoWBO Africa Lightweight,Martin Haikali, okutala ngele ndika ote li yugu ko molugodhi lwomadhingoloko 12. Enyakwa inaali dhengwa natango mondjundo yo WBO Africa champion, Julius “Blue Machine” Indongo, okwa tegelelwa a ka popile epapa lye komukondjithi gwe Takudzwa Kuchocha gwokoZimbabwe.

Abmerk Shindjuu otaka gamena epapa lye lyoWBO Africa Lightweight komukondjithi gwe inaadhengwa sigo etango ndi  Japhet “Thin Man” Utoni, molugodhi lwaaNamibia yaali okuudhitha omalugodhi gatano omanene guusiku mboka.

Momalugodhi galwe omashona Kennedy Kamati otaka kondja na Eriki Kalenga mondjundo yo Lightweight momadhingoloko geli gane, omanga Nathaniel Kakololo ota ka palamena, Dominicus Weyulu mondjundo yo Junior Lightweight molugodhi lwomadhingoloko gane , ye  Jeremiah Nakathila otaka kondjitha omuZambia Richard Muriri mondjundo yo Junior Lightweight momadhingoloko geli gahamano.

Sakaria “Desert Storm” Lucas otaka kambadhala oku yugako oshishani  mondjundo yo  National Featherweight kenyakwa, Tommy “Showman” Nakashimba, uuna mbaka yaali ya tsakanene molugodhi ndoka kwa tegelelwa lu kale talu nyanyudha.

Mondjundo yo Super Bantamweight  Nathaniel Kamati otaka taalela  Noah Nthai gwoko South Africa, omanga Steven Shimbonde oye ta egulula uudhano wombokisa nuudhano wokuulika taya dhana  na Simon Shafodino, molugodhi itaalu kondjele epaya momadhiingoloko geli gane mondjundo yoWelterweight.

Ofuto posheelo oodola N$200,00 momuntu nenge oodola  omayovi N$10,000 poshitaafula pwa kuutumba aantu omulongo.Omiyelo odha eguluka okuza potundi 18h30.

LEAVE A REPLY

Please enter your comment!
Please enter your name here