Ya hogolola ewiliko epe lyoNANTU mOshikoto

0
213

KuMaria Namupala

ONDANGWA – Aalongi mboka yeli iilyo yehangano lyoNANTU, oyali ya gongalo mosikola ya Uukule opo ya hogolole ewiliko epe lyawo ndyono tali kala noku ya kwatela komeho oomvula ntano tadhi landula.

Mboka ya li ya ulikwa onga iilyo mbyono tayi lele oNantu moshitopolwa shika oyo Tomas Niilonga a hogololwa a ninge omunashipundi nomupevi nashipundi gwe oNaftal Shigwedha. Wilhelmina Nehoya okwa ulikwa a ninge amushanga gwehangano omanga omupeha gwe  Wilhem Ndimulunde.

Hosian Hitanwa okwa hogololwa a ninge omudhiginini gwiiniwe, Willem Amutenya ta hogololwa a ninge omuunganeki, omanga Paulus Antindi amushanga gwomauyelele gwehangano ndika. Ester Iita na ye okwali a hogololwa a kale omukalekipo guukashike kookantu.

Pethimbo ta popitha aalongi esiku olyo tuu ndyoka  amushanga gwo NANTU, Basilius Haingura okwa indile ewiliko epe li longe muuwanawa wiilyo ayihe yo NANTU moshitopolwa ashihe. 

Haingura okwa pandula ewiliko ekulu ndyono lya kala noku wilika uule woomvula ntano, ta holola kutya ewiliko epe nalyo otali kala noku wilika ehangano ndika ethimbo lyuule woomvula ntano (5) sho tapu ya ishewe pu hogololwe ewiliko limwe tali pingenepo ndyoka li liko ngaashingeyi.

Ewiliko ekulu olyali tali wilikwa ku Tomas Niilonga, Markus Kagola, Naftal Shigwedha, Erki Shivute, Kaarina Kalume, Maria Coimbra na Wilhemina Nehoya. Ayehe oya pandulwa sho ya longa nawa uule woomvula adhihe ntano.

Kansela gwaNyaanya Henock Kankoshi naye okwali a popitha aalongi esiku ndyoka. Kankoshi okwa indile aalongi opo ya longithe otechnologi, yo ya vule oku konga omauyelele mointernet mboka aanasikola taya pumbwa unene pethimbo ndi.

LEAVE A REPLY

Please enter your comment!
Please enter your name here