Ya kwatwa sho yaadhika niinima ya yakwa

0
229

KuLoide Jason 

OSHAKATI- Oonakwiinyangela momukalo omufupi lela osho ya fuula aakwashigwana yomomukunda Oshinyadhila popepi nOngwediva sho ya landa omahauto omape noshowo iitungitho nokudhengela oondunda dhawo dhomalandithilo niimaliwa mbyoka ya yaka komungangeshefa .

Okwa hokololwa kutya aalumentu yeli yane okwali ya iteele megumbo lyomunangeshefa atseyika nawa monooli eta ya yakamo oshimaliwa koomuma shoondola omiliona yimwe oshinkwanu hetatu (N$1.8) shoka ya hanagulapo muule wethimbo efupi lela.

Oshimaliwa shika okwali sha yakwa moshiwike shaziko metine omanga oongangala dha kwatwa metiyali lyoshiwike shika.

Omukuluntu gwopolisi yaShana Commisiona Ndahangwapo Kashihakumwa okwa koleke oshinima shika na okwati oongangala ne dhaamati noshowo mbali dhaakiintu odha kwatwa shinasha noshiningwanima shika.

Opolisi oya kwata ko nee omahauto omapeepeeka geli gaali ngoka ga landwa niimaliwa mbyoka ya yakwa, limwe etitatu oondyoka lyali lya longithwa oku humbata iimaliwa okuza pegumbo lyomunangeshefa . Okwali woo pwa kwatwa iipeleki , omitenge noshowo oombete nomashofa yimwe po mbyoka yalandwa , niimaliwa koomuma yoondola N$4519. Iinima mbyoka yakwatwa po kopolisi oya li ya adhika aniwa molukanda lwomOshakati Uuninginino noshowo mOngwediva.

Kashihakumwa okwati kutya ngeno okwali megumbo moka mwa adhika aantu eta ya lopota oshipotha shoka meendelelo, oshali shina oku kwathela aapolisi opo ya kwate oongangala ndhika meendelelo. Okwa hokolola kutya oongangala ndhika aniwa onkee ngaa dha uhala tadhi tuku aantu poondingosho kutya yo aathigona kayena iimaliwa na naya pule kehe oludhi lwomalovu ya hala okunwa .

Okwa gwedhako kutya aniwa oongangala odha kala nee nokuyotha onyama ehuliloshiwike alihe tadhi inyanyudha. Kashihakumwa okwati oku kwata kweengangala ndhika okwali kwa kwathelwa kaapolisi yomomukunda mboka ya longo nuudhiginini moshinima shika.

LEAVE A REPLY

Please enter your comment!
Please enter your name here