Aavali taya tala iilonga yaanona yawo

0
422

KuMaria Namupala

ONAYENA – Ngaashi shi li omukalondjigilile aavali haya tala omambo oshowo iilonga yoyana poosikola dha yooloka oshowo sha li shaningwa posikola yopevi yOniiwe momasiku sho gali 23 sigo 24 ga Juli omvula ndjika.

 Omukuluntuskola posikola yopevi yOniiwe moshikandjohogololo Onayena, Helena Ashivudhi okwa li a ithana aavali yaanona mboka haya hiti enongelo posikola ndjoka. Konyala aavali oyendji oyali ya holoka opo ya tale iilonga yaanona yawo, noku tala woo nkene taya longwa. Eithano ndika olyali lya ningwa komukuluntuskola ye mwene tati elalakano oku kwashilipaleka aavali kutya aanona yawo ohaya thiki ngaa kosikola nenge pamwe ohaya hulile miihwa.

Ashivudhi okwa ti nenge oya ninge elombwelo  kaavali, yamwe yomuyo iha ya thikiko kosikola yo ya tale iilonga yuunona “ oshoka thimbo limwe omuvali megumbo iha pula nande kutya okanona oka longwa shike kosikola, yamwe nokuli  iha ya tala omambo guunona momagumbo nesiloshimpwiyu lyuunona momagumbo kali mo onkee ohatu longekidha aluhe esiku lyatya ngaaka”. 

Okwa holola kutya oshilongadhalwa shino shaavali taya tala omambo niilonga yaanona yawo, ohashi ningwa aluhe kehe oshikako. “Otwa hala  aavali ya kale yi itula melongo lyuunona wawo  opo wu ka mone iizemo iiwanawa oshoka uunona owo aaleli yetu yokomongula nena ngele itatu wu sile oshimpwiyu nena oshilongo shetu itashi humu komeho nuupu,” Ashivudhi ta gwedhapo ngaaka.

 Omukuluntuskola nguka okwali a indile aavali ayehe ya simaneke okusila uunona oshimpwiyu noku kala taya pe uunona iikulya ngele tawu ya kosikola oshoka anuwa uunona wumwe ohawu ya ashike nondjala kenongelo. Okwa indile woo aavali mboka ihaaya holoka komanongelo  ya tale iilonga yaana yawo yi itulemo melongo, wo uunona tawu putudhilwa etiloKalunga nesimaneko lyaakuluntu.

LEAVE A REPLY

Please enter your comment!
Please enter your name here