Benson, Ishitile ya sindana oombandi mokumatuka oometa 100 … Aanambasikela naa unduli yetanga ya uvitha nayi

0
231

Omudhani omuNamibia gwoParalympic , Lahja Ishitile okwa sindana ishewe ombandi ontiyali puudhano woCommonwealth moGlasgow, shaScotland, sho eya pehala etitatu metondoko lyoshinano shoometela 100 T12 sho a matuka ethimbo lyoosekonde 13,48s .

Omumatuki gwa Scotland, Libby Clegg okwa sindana oshingoli sho a matuka methimbo lyoosekonde 12,20  a landulwa ku Maria Muchavo gwa Mozambique methimbo lyoosekonde 13,33. 

Ombandi ya Ishitile oyo ontiyali ya sindanwa ku Namibia konima sho Johanna Benson a sindana ombandi yoshikushu muudhano wokunuka oshinano oshile mongundu yo T37/38 mOsoondaha.

Aatondoki yaali ya Namibia yaakiintu  Anna Kambinda na Johanna Katjikuru oya ndopa oku sindana sha methigathano lyawo lyoshinano shoometa ethele sho T12 konima sho yali ye ya pehala etitatu netine puudhano wematuko lyotango lyokuholamo aatondoki yamwe.Omuumbi gwongalo Evechegaray Nguluwe naye okwa ndopa okusindana muudhano we wo F42/44 wokuumba ongalo sho a hulile pehala eti 12 sho uumbu oshinano shoometa 28,88. 

Okuza tuu nkene uudhano mbuka wa tamekele momasiku 23 Juli, Namibia okwa sindana ashike oombandi mbali dhoshikushu ndjoka ya Johanna Benson mokunuka oshinano oshile naandjoka ya Lahja Ishitile metondoko lyoometa ethele T12 100-m. 

Mekayilo lyoombasikela , Vera Adrian okwe ya pehala eti 16th muudhano woombasikela waakiintu wo Mountain Bike omanga Heiko Redecker ina mona ompito okuya kokastage muudhano ngaashi mbuka waalumentu sho a hulile pehala eti 18.

 Aadhani yospana yaalumentu yokuundula etanga lyomokangwena oyaale yi mone esindano lyehala etitatu puudhano woCommonwealth Games moGlasgow, Scotland. Namibia okwa dhengwa mo ku Engelanda sho ya li taya kondjele ehala etitatu Omaandaha oshiwike shika.. 

Ospana ya Namibia ya thikama mu Will Esterhuizen na Douw Calitz, oya li ontiyali mongundu ya B niitsa 9  omanga Australia oye a li kombanda yongundu ndjoka niitsa 12 konima yomaudhano gane.

Oya dhenge Australia moquarter-finala, ya sindana niitsa  19-12, ihe oya ka dhengwa mosemi-finala ku  Malaysia niitsa 13-15. England okwa dhengemo Namibia 19-12 nokusindana ombandi yoshikushu.  Scotland okwa sindana ombandi yoshingoli naMalaysia oshisilveli.

LEAVE A REPLY

Please enter your comment!
Please enter your name here