Egongelo lyoshimaliwa pEgongalo Elombe lya ende nawa

0
270

KuPinehas Nakaziko

ELOMBE – Oshinyangadhalwa shegongelo lyoshimaliwa omolwa etungo epe lyongeleka yegongalo Elombe oshali sha ende nawa Osoondaha yapiti.

Oshinyangadhalwa shika oshali kohi yotema ‘Ano ngaashingeyi onda tokola nee, okutungila Omuwa oteempeli yokusimanekela mo Omuwa Kalunga kandje’.

Eteyo lyoshimaliwa shithike pomwaalu N$108 977 inaaku ku gwedhwa oshimaliwa shaza miilandithomwa, oolata dhiilya yomahangu dhivule pomilongo mbali, iilikolomwa yomomapya osho wo oonewewe ogwa li gwa gongelwa.

Tate Ben Kuutumbeni Kathindi na Meme Sylvia Nepando oyali ya wilike nawa oshinyangadhalwa moka Omuuvithi megongalo Tate Andreas Kuwa a li a ningi eetambo lyaayenda kookuume mba yali yahiyika sigo opoo mpoko dhomeho ngaashi Tate Prince Shiimi naMeme Petrina Shiimi, Tate Moses Mushi, Meme Helena Nekomba oshowo aakwanegongalo yaza komagongalo gomOshitayi ngerki shOmandongo ngaashi Onyaanya, Onayena, Omulondo, Onakazizi nIihongo.

 Kuku Hileni Mbeeli omuuvithi omukulu megongalo okwa li a gandja omagano kookahewa omanga oongundu dhomalwiimbo ngaashi Ongundu yegongalo, Okangundu Komuyaleki  nOndangwa Youth Choir dhali dha mwenyeke esiku.

Etungo lyongelekaka ompe ndjoka opo tayi tungwa olyali lyu udha sigo opondje mono woo oondigolo dhaakwanegongalo dha uvika kokule, noya pandula noku halela omayambeko omutonateli gwOshitayi ngerki Omandongo Meme Dean Selma Kagola nomupeha gwe Tate Shuukwayama sho yeya monene omusita gwawo omupe omugundjuka lela gwedhina Selma Sheya ngono ali aningi elongelo Kalunga, omanga meme Petrina Shiimi a ningi eyuvitho popitho.

Niitya yemwene paufupi omusita Selma Inamuvulwa Sheya ota ti “Onda nyanyukwa oku kala megongalo Elombe, notandi indile ohole nelongelo kumwe okuza kaakwanegongalo,omuthika hago iilonga onkene onda tokola okulonga oshilonga shandje ngaashi Kalunga eshi pandje”.Omusita Selma otaka tameka pautho okuwilika egongalo Elombe mOsoondaha ndjika.

LEAVE A REPLY

Please enter your comment!
Please enter your name here