Ekandjo a sindana po uudano wokuumba uutati waNangongo

0
192

KuShipi Elago

ONAMATANGA – Ekandjo Sakeus oye enyakwa dhingi muudhano wokuumba uutati wopamuthigululwakalo. 

Omulumentu nguka okwa tompola okusindanapo ethigathano ndika ta landulwa ku Alumosho Uushina, omanga Bishi Uushona eya pehala etitatu.

Uuta wanangongo nani nawo ohau vulu okuninga omathigatahano taga hokitha, konima sho Oondjumbeta dhili hetatu dhali dha nyanyudha engungo lyaatali pOnamatanga Olyomakaya gaziko.

Pamuthigululwakalo gwAawambo uutati owa kala hau longithwa muukongo wiiyamakuti, nomiita okudhenga aatondi. 

Ashike mongashiingeyi Uukongo niita oya hulako nonkene uutati owu li tawu ende tawu shonopalapa noyendji yomaamati kaye shi nkene haulongithwa.

Okangundulongekidhi kuudhano wOonkambe pOnamatanga oka li wo kalongekidha uudhano wethigathano lyuutati wanangongo mboka wali wa nana engungo lyaatali nokuya nyanyudha.

Ethigathano ndika olya li tali tala omulumentu ngoka ta umbu iikuti tayi thigipo yooyakwawo ayehe,  kehe oshikuti oshali sha ndhindhilikwa no nomola ndjoka kehe omudhani ali apewa onomola yafa ndjoka yili koshikuti she.

Omuunganeki guudhano mbuka John Shaanika okwa ti” aaNamibia oya pumbwa oku kutha ombinga muudhano woonkulunkedhi dhawo opo onyeka yomuthigululwakalo yi adhe nokomapipi ta geya.

Shaanika ota hiya aanongo opo ya ninge omapekaapeko opo ku humithwe komeho uudhano wUutati waNangongo.

Shaanika ota indile wo aanangeshefa opo ye ya k wathele nomakwshilipaleko opo uudhano watya ngeyi wu vule okuhuma komeho.

LEAVE A REPLY

Please enter your comment!
Please enter your name here