Osikola ya Uukule oyo tayi kalelepo Oshikoto

0
182

KuMaria Namupala

ONAYENA – Ehangano lyoOld Mutual ngaashi hali ningi shito ethigathano lyomaudhano pokati koosikola monooli nomvula ndjino uudhano mbuno oko wuli.

 Ehuliloshiwike lya ziko oosikola dhomoshitopolwa shaShikoto nadho odhali dha kutha ombinga muudhano mbuka wehangano lyaOld Mutual, shino oshali sha ningilwa mosekundeskola ya Uukule mono oosikola dha kutha ombinga dhali dha yi methigathano nokutala ndjoka tayi dhengemo adhihe dhali dha holoka.

Omuunganeki gomaudhano mo Uukule Joseph Haufila okwati mokatanga kokoompadhi oosikola dhili heyali odhali dha kutha ombinga mono “ethigathano lyahugunina lyali pokati ka Uukule  nosikola yaLukonda mono iiti yali tayi teka sho taya kondjele ehala lyotango, Uukule okwali eshi pondola sho adhenge mo Olukonda 2-0 nokwa sindanapo onkatu yotango,” Haufila tati ngaa.

Uukule okwa li eya ponkatu yotango muudhano mbuka wokoompadhi nokwasindanapo ooN$3000, Olukonda olweya puutiyali noya sindana N$2000 ,naandji ya etelele okano oTsumeb ya pewa N$1000.

Methigathano lyokatanga komokambamba omwali mwa kuthwa ombinga koosikola ntano, mono osipana yaakadhona yUukule ya li ya longo nuudhiginini noya tokola kutya itaya dhengelwa megumbo, oosikola adhihe dha kutha ombinga odhali dha yi methigathano. Uukule okwali eshi pondola sho a dhengemo oosikola adhihe ndhoka dha kutha ombinga na ina dhengwa nenge oku yimwe.

Uukadhona womo Uukule owali wa sindanapo onkatu yotango no wa pewa N$3000,Onguti oyali ye ya puutiyali noya sindana N$2000 omanga Oshifukwa sheya puutitatu nosha pewa N$1000. 

Osikola ya Uukule muudhano awuhe oyeshi pondola noku ulika kutya otaya vulu oku ka kalelapo oshitopolwa ashihe muudhano wethigathano lya Old Mutual ndyono lya thaanekwa tali ka kalako kokapale ketanga kaShakati momasiku sho taga ka kala 20 ga Sepetemba nuumvo.

Haufila okwa ti uudhano mbuka owali mombepo ombwaanawa  oshoka anuwa pokapale inapu holoka ombepo ombwinayi ndjono ando tayi vulu oku kateka uudhano, Haufila ta pandula oosikola adhihe dha kuthile ombinga.

LEAVE A REPLY

Please enter your comment!
Please enter your name here