Uudhano woonkambe pOnamatanga wa nyanyudha oyendji

0
202

KuShipi Elago

ONAMATANGA – Okapale kaHelvi Mpingana Kondombolo mOnamatanga oshitopolwa shaMusati, okali ka udha ka fa ofenya sho aaholi yuudhano wOonkambe yaza koombinga noombinga yali ya mbombolokele kOnamatanga opo ya ninge oombangi methigathano lyuukambe ndyoka lyali ko mehuliloshiwike lyaziko.

Uudhano mboka wa totelwe oomvula ntano konima owali wa kalwa kumwene gwiita, Nkeyama Omukwaniilwa gwaNgandjera, Johannes Jafet Mupiya, ngono ali indile engungo lyaatali naakuthimbinga lithikame mokathimbo ke imweneneno okudhimbulukwa nakusa Omukwaniilwa Tatekulu Jafet Munkundi.

 Mokupopitha engathithi Nkeyama okwa gandja olupandu kokangundulongekidhi kuudhano mbuka sho ka longa nuudhiginini oku eta uudhano pamuthika tagu etitha oonkondo.

Nkeyama tatsu aakayili yOonkambe omukumo,”tati uudhano mbuka otawu vulu okutula omboloto poshitaafula ngele oyiitulamo.

Ta tsikileko ta ti aagundjuka naya ikaleke kokule niinima mbyoka hayi hanagula, ngaashi omalovu, niingangamithi.

Oku li wo a takele oomunwe mboka  haya longitha Oonkambe okuyakapo nokuhingila iimuna yaantu komahala gokokule, “ta ti mbuka uufuthi na itaya ka thiga emanya lya londa kekwawo  oku gandja egeelo lyoopalela oonaku longa iimbuluma yoludhi ndoka.

Aakayili yOonkambe oyali yeli komalwilo okukutha ombinga miinano ngaashi 1000 m, 1600m no 2000m.

Onkambe Shaanika ya Fellep Shuuma oyo ya venepo Uudhano woshinano sho 2000m noyili wo oyo yili onkambe dhingi muudhano mbuka.

 Oshinano sho 1600m oshali sha yakulwapo kOnkambe, James ya, Ndiili Amwaama, Onkambe Leli ya David Shilongo oyo yasindanapo oshinano sho 1000m.

John Shaanika ngoka eli Omukuluntusikola pOnamamatanga okwati oya taalelwa komashongo ngaashi okapale hoka natango kakeli pomuthika omwaanawa, ta ti okangundulongekidhi ota kaka longa nuudhiginini opo omumvo taguya yakale ya hiya iitopolwa yilwe yomoshilongo.

Puudhano mbuka opwali pwakalwa komalenga ,aakuluntu yomaudhano mOshana nOmusati. Onamatanga oyili uule wOkilometa 120 muuninginino wOkahao, naKambwa Trading oye  omukwashilipaleki omunene guudhano mbuka sho ngashiingeyi alongitha oshimaliwa sho N$ 25000-00 muule womimvo ntano dhapiti.

LEAVE A REPLY

Please enter your comment!
Please enter your name here