Aakalimo yomOshikoto nayo osho ya tungilwa uundjugo

0
214

ONYAANYA –  Yamwe yomaakalimo yomoshitopolwa Oshikoto oyali ya tungilwa uundjugo omasiku ga ziko. Uundjugo mbuno owali wa tungwa mekwatelokomeho lyOkashana Rural Development Centre.

Omunambelewa omukuluntu pOkashana, Selma Namugongo okwa ti shino oshi li oshikando oshitiyali sho  taya gandja uundjugo mbuka kaakwashigwana. “ Konima yomvula yimwe otwa li twa tungile aakalimo yomoshikandjohogoglolo Omuthiya uundjugo wuli omilongo ntano (50), noshikando shino otwa kambadhala opo tu tungile iikandjohogololo ayihe mOshikoto molwaasho twa  ende momikunda na otwa mono kutya omagumbo ogendji kagena uundjugo naantu oyendji ohaya longitha ashike iiheke,” Namugongo tati ngaaka.

Namugongo okwati elalakano lyawo oya hala opo kehe egumbo mOshikoto li kale lina okandjugo opo ku kwatelwepo onkalo yopantu oshowo ndjoka yuuyogoki.  Okwa indile kehe ngoka ta ka longitha kamwe komuundjugo mbuka e ka longithe nawa yo taye wu kaleke wa yela ethimbo kehe.

“Uundjugo mbuno wa tungwa mOshikoto oshikando shino owuli omilongo ntano natango na kehe oshikandjohogololo osha tungilwa uundjugo utano (5), mbono awuhe wa gandjwa pambelewa kooyene, konyala uundjugo mbuka owa tungilwa momagumbo moka muna aakulupe oshowo mono muna aantu itaa ya vulu kwiikwathela yoyene,” Namugongo ta gwedhapo.

Aakalimo yomOnyaanya mbono ya tungilwa uundjugo oyali ya gongala pombelewa yoshikandjohogololo opo ye ye ya pewe uundjugo mbuka pambelewa nokulombwelwa ya tameke oku wu longitha oshoka ngaashingeyi owa patululwa pambelewa.

Anna Asheela gomomukunda Uukwanambwa gumwe gomwaamboka ya tungilwa uundjugo. Asheela okwati okwa pandula unene  molwa okandjugo ke hoka a tungilwa, tati ngashingeyi ota kala owala oko ha longitha.

Pethimbo taya pewa uundjugo mbuka pambelewa aakalimo yomoshikandjohogololo Onayena nayo oya pandula noku ulika enyanyu lyawo  sho ya tungilwa uundjugo yo inaa ya futa nande osha.

KuMaria Namupala

LEAVE A REPLY

Please enter your comment!
Please enter your name here