Amaambo a popitha no ku kumika aagandjuka

0
178

ONDANGWA – Omusita gwegongalo lya Elcin mOshigambo  Kleopas Amaambo okwa  kumike aagundjuka ya yande iinima mbyoka itaayi tungu sha moonkalamwenyo dhawo.

Amaambo okwa li a ningi ekumagidho ndika pethimbo a li a kundathana naagundjuka pohungi yoondjimbo ndjoka ya ningilwe megongalo lyaShigambo omwedhi gwa yi.  Omuhongi Amaambo okwa li a indile aagundjuka mboka taya ilongo kiiputudhilolongo yopombanda opo ya dhiginine eilongo lyawo.

“Onda hala okulondodha aagundjuka mboka ya mona oompito dhiilonga ,ya dhiginine iilonga yawo oshowo ye yi kwate nawa ne tamu kala noku kwatha aavali yeni oshoka oye mu sile nale oshimpwiyu manga mwa li mepipi eshona sigo mwa mana oosikola dheni, dhimbulukweni eyele lyomukulu gwonale ndyono hali tumbula kutya Kayuhwena hadhela nyoko,nyoko onale eku hadhele onkee kaleni noku ya kwatha ne tamu ya simaneke opo mu mone elago lyaaluhe,” Amaambo ta gwedhapo ngaaka.

Amaambo okwa holola kutya  Elcin okuna ompumbwe onene yaayakuli momagongalo, ta indile aagundjuka ya kuthe ohokwe opo ya ye koosikola dhuuteolohi hono haku ilongelwa uusita, yo ya vule ye ye ya yakule moshimpungu shika moka mwa pumbiwa unene aayakuli  okutaandelitha elaka etoye lyehupitho opo li vule okuthika koombinga adhihe dhoshilongo tashi pitile maagundjuka.

Okwa li wo a kumike aagundjuka ya simaneke oondjokana yo ya yande elongithonayi lyiikolitha niingangamithi mbyono tayi teyapo unene epipi lyaagundjuka lyo, olyo lili oongudhi dhoshilongo shika. “Aagundjuka one ehukamugongo lyetu onkee omwa pumbwa mu longe nuudhiginini opo mu yambulepo oshilongo shika ne ta mu simaneke okuholoka koohapu dha Kalunga ne mu mone elago oshowo esilohenda li mu landule, kaleni hamu simaneke aakuluntu nongele puna gumwe ta nyengwa mu yambidhidha nena esilohenda itali ku kala kokule ngele ho kwatha aakuluntu,” Amaambo ta tsikile ko ngaaka.

KuMaria Namupala

LEAVE A REPLY

Please enter your comment!
Please enter your name here