Egongalo Elombe lya mono omusita omupe

0
229

ELOMBE-Enyanyu lya kwata miiti noondigolo dha tsa miikogo odhali dha holoka megongalo Elombe moshikandjohogolo Onayena moshitopolwa Oshikoto sho Kalunga ali a yamukula omagalikano gawo, sho yamono omuwiliki gwopambepo  gwawo omupe gwegongalo, ano omusita Selma Inamuvulwa Sheya. 

Omusita Selma okwali a ulikwa pambelewa momasiku 28 Juuli 2014 komutonateli goshitayingereki shaMandongo , Selma Kagola, nokwali a tameke okulonga pautho petameko lyomwedhi nguka. Okwaningi elongelo-Kalunga lye lyotango pongeleka oyoo tuu ndjika mOsoondaha yapiti.

Niitya yemwene paufupi omusita Selma Sheya otati “Ondanyanyukwa oku kala megongalo Elombe, Elombe ehala ewanawa lyo olina aantuu taya ulike ohole nelongelo kumwe, onda ilongekidha okulitha oonzi dhOmuwa, otandi kakala nokutalelapo akwanegongalo nokukutha wo ombinga onene miinyanyangadhalwa yaagundjuka megongalo”.

Egongalo Elombe olyali lyalumbu uule woomwedhi hamano kaalina omusita, nolya kala lya kwatelwa komeho ano tali wilikwa kaakuluntugongalo, aayuvithi Kuku Katrina Mbeeli naTatekulu Andreas Kuwa. Oyendji yoomakwanegongalo otaya holola enyanyu notaya halele Omusita Selma Sheya oonkondo nomukumo moshinakugwanithwa shika.

KuPinehas Nakaziko

LEAVE A REPLY

Please enter your comment!
Please enter your name here