Gumwe iitsuwa a sila mokandjugo

0
574

ONAYENA – Omugundjuka goomvula omilongo ndatu nahamano (36), gwomomukunda Ondjokwe mOnankali okwa manene oondjenda dhe ombaadhilila  metitatu lyoshiwike sha ziko sho iitsuwa a hulitha. Pahokololo lya gandjwa otaku ti okwa adhika  a hulithila mokandjugo a kuutumba ashike kepoto lyokandjugo nongodhi ye meke.

Secilia Taatsu Petrus okwa aadhikila a hulithila mokandjugo puundunda wopomukunda Onankali.Kuuyelele mbono wa gandjwa komumwayina gwanakusa  okwa holola kutya Taatsu okwazi ashike megumbo ando ta ka konga iipumbiwa yomegumbo, ye ando a galuke komatango.

“Otwa li ashike twa kundana onkundana ndjika ondhigu notayi halutha  lwopotundi ontitano komatango getitatu lyaziko, sho  tu uvu taku ti Taatsu okwa hulitha oondjenda dhe sho a adhika mokandjugo, oshali sha halutha oomwenyo dhetu oshoka  otwa kala owala twa tega  ta galuka sho ati otayi a galuke,” Mumwayina tati ngaa.

Gumwe gomaamwayina  Hileni Shilunga okwa ti  Taatsu ando ina kala omunkundi , ye iha ehama ehama . Ta holola woo kutya  kali a tegelela nande onkundana yoluhodhi ashike eso lya Taatsu olye mu dhenga pomutima noonkondo nolyemu ehameka.

“ Oshali noshi li oshidhigu okushi uvako oshoka ngele mukweni okwa zi megumbo a galuke nokonima yethimbo oto lombwelwa kutya omuntu oye tuu ngono  a hulitha ye inaa ehama otuu nande osha, oshili oshidhigu okushi taambako pethimbo ndika oshoka ngaa nee ehalo lya Kalunga ihali patanekwa na katuna we shoka tatu ningipo nonande iitya nomatumbulo katu gana ehalo Lye  nali gwanithwe,” Shilunga ta gwedhako ngaaka.

Taatsu okwali a pakwa Osoondaha yaziko pomawendo gaNankali , mono aakwanezimo, ookuume oshowo aakalimo yomOnankali yali ya tondoka onkugo oku lila Taatsu omolwa ezepo lye lyombaadhilila.

Nakusa okwa thigiko nee yina, aamwayina yatatu oshowo uunona we wuli une (4).

KuMaria Namupala

LEAVE A REPLY

Please enter your comment!
Please enter your name here