A kwatwa niimaliwa 100 000 kohi yoshikuusinga

0
166

OSHAKATI – Omumati omunamimvo 22 okwali a kwata niimaliwa N$100 000  eyi tula kohi yoshikuusinga.

Omulumentu nguka okwa lombwele opolisi yaShana kutya aniwa iimaliwa okwe yi pewa komupambele gwe gwokomukunda Iino popepi noshikandjohogololo shaElim moshitopolwa shaShana, opo eyi musikililile momasiku 28 Juli.

Ekwatopo ndika, lya ningwa mehuliloshiwike lyaziko, olya landula ehokololo lyaalumentu yeli yane kwali ya iteele megumbo lyomunangeshefa a tseyika nawa monooli eta ya yakamo oshimaliwa koomuma shoondola N$1.8 shoka ya hanagulapo muule wethimbo efupi lela.

Oshimaliwa shika okwali sha yakwa oshiwike shaziko metine omanga oongangala dha kwatwa metiyali lyoshiwike shika.

Omukuluntu gwopolisi yaShana Commisiona Ndahangwapo Kashihakumwa okwa koleke oshinima shika nokwati oongangala ne dhaamati noshowo mbali dhaakiintu odha kwatwa shinasha noshiningwanima shika. Opolisi oya kwata ko nee omahauto omapeepeeka geli gaali ngoka ga landwa miimaliwa mbyoka ya yakwa, limwe etitatu oondyoka lyali lya longithwa oku humbata iimaliwa okuza pegumbo lyomunangeshefa.

Okwali woo pwa kwatwa iipeleki, omitenge noshowo oombete nomashofa yimwe po mbyoka ya landwa, niimaliwa koomuma yoondola N$4519 .

Iinima mbyoka yakwatwa po kopolisi oya li ya adhika aniwa molukanda lwomOshakati Uuninginino noshowo mOngwediva.

Kashihakumwa okwati kutya ngeno okwali megumbo moka mwa adhika aantu etaya lopota oshipotha shoka meendelelo, oshali shina oku kwathela aapolisi opo ya kwate oongangala ndhika meendelelo.

Okwa hokolola kutya oongangala ndhika aniwa onkee ngaa dha uhala tadhi tuku aantu poondingosho kutya yo aathigona kayena iimaliwa yo naya pule kehe oludhi lwomalovu ya hala okunwa.

KuLoide Jason

Okwa gwedhako kutya aniwa oongangala odha kala nee noku yotha onyama ehuliloshiwike alihe tadhi inyanyudha.

Kashihakumwa okwati oku kwata kweengangala ndhika okwali kwa kwathelwa kaapolisi yomumukunda mboka yalongo nuudhiginini moshinima shika.

LEAVE A REPLY

Please enter your comment!
Please enter your name here