Omukalimo wokOmhokolo a tupuka mefyo

0
180

ONGWEDIVA – Opolifi oya kumaida oshiwana  shi xulife po omikalo dokudanena oinima i limbilika  opo shi yepe okumona oiponga  nomafyo ooDangheya.

Ekumaido eli ola landula oshiningwanima omwedi wa djako eshi omulumenhu womido 47 a  xupu mefyo  eshi a ndjeneka oshitopifa ndee ta shi mu ndwafukile.

David Uugwanga  wokoMhokolo moshikandjohoololo shaMulonga  moshitukulwa shaHangwena,  okwa kufa oshiima ehe shi shii a dilaadila a ka kufe ko okatenda kawa e ka  tule koshikwatelwa shohamala yaye, yee ehe shii kutya oshiima oshikwashike, nani oshitopifa.

Uugwanga  okwa topelwa, koshiima osho she mu monifa oshiponga monhulo  nokwa li a tambulilwa  moshipangelo shaNandjokwe omo a hakulwa omolwa oiveta oyo a ningwa.

Oitopifa ikulu inai topa  ya telwa pefimbo loita yekondjelomanguluko, natango oya fudama  koshi yedu, nande ya kulupa ilo tai monika  ya fa ihe na shilonga, natango oya nyika oshiponga.

Oitopifa imwe  oya tomekwa omundilo ashike oya anya ku topa,  imwe eeboma da telwa po kovakwaita vetanga laSouth Africa okudipaa nokulemaneka ovakwashiwana vehe na etimba.

Eeboma da telwa ovakwashiwana nodomatuwa  okwa li da telwa koshi yedu opo ovanhu nomatuwa ve di mashule.

Eshi osha  fikamifa ovanambelewa vopolifi koshitukulwa shokutelulula eeboma opo modula 2004 va tameke oshikonga  shokuhonga nokupukulula oshiwana moitukulwa mwa li  eekamba dovakwaita vaSA nghee eeboma da nyika oshiponga oshoyo peenhele opo pa li hape lideulilwa kovakwaita.

Uugwanga okwa toola oshitopifa sha etwa mepya kounona konima yeehani nhatu, te shi tuvikile nawa meumbo opo a ye nasho ngee ta i kohambo opo a ka kufe ko okamunino aka kawa  e ka tule koshikwatelo shohamala yaye.

Komutoolinghundana

 

LEAVE A REPLY

Please enter your comment!
Please enter your name here