Osikola Erundu ya unganeke uudhano wokomuMvo wuunona uushona

0
532

OSHAKATI-Erundu Combined School mOshakati olya longekidha uudhano mboka wali wanana Oosikola odhindji okukutha ombinga muudhano wokatanga kokoompadhi naahoka komokambamba ehuliloshiwike lyaziko.

Ehenye Primary School olyo enyakwa lyuudhano mbuka wali wadhanwa kuunona womondondo 1-4 sho adhengemo Charles Andreson yomOngwediva medhingoloko lyahugunina.

Ehenye olya yambulapo Ekopi no N$ 700, Charles Andreson teya puutiyali nokupewa N$500, nehala etitatu olyali lya yakulwapo kOsikola yoShapwa Primary School ndjoka nayo ya pewa N$350 muudhano wokatanga kokoompadhi.

International Primary School oye enyakwa lyaanasikola yoongundu okuza 5-7, sho yadhengemo Osipana yErundu yotango nokuyakulapo Ekopi nokapandi N$700, Oosipana mbali dhOsikola Erundu odha kuthapo ehala etiyali netitatu nokusindana N$ 850 kumwe. Mokatanga komokambamba Oohembumbangele mboka yeli mondondo 1-4, Integrity Primary school okwa sindanapo ehala lyotango ta toolapo Ekopi, N$500, ehala etiyali olya kuthwapo kErundu Primary School ndyoka lya mbendekwa okapandi N$300, omanga Okatana Primary school ka etelele okano nehala etitatu noka pewa N$250.

International Primary School okwasindanapo uudhano woondondo dho 5-7 nokwapewa Ekopi, no N$ 500.

Kandjengendi Primary School okwe ya puutiyali nokutoolapo N$300, omanga Erundu lyahekelekwa no N$ 250 sho lyeya etitatu. Ngoka eli thimba yina ongodhi muudhano mbuka Nadine Vrede ngoka wo eli omukuluntu goshikandjo sho Lower Primary pOsikola Erundu,okwa holola enyanyu lye sho omwaalu gOosikola gwayi pombanda omumvo nguka.

Tati elalakano lyuudhano mbuka olyo okupendulapo nokugandja ompito kuunona uushona mboka olundji hawu liwa oshipungo ngele otashiya komaudhano.Primary-tourney-1

Okwa gandja olupandu kehangano lya Coca Cola sho lyali lyakwashilipaleke uudhano mbuka.

Nadine ta gandja olupandu kaavali mboka yali ya thindikile aanona yawo kuudhano mbuka oshoka ekalepo lyawo olya ningi etsomukumo kuunona nolyagwedha ko komasindano gawo.

Ku Shipi Elago

 

LEAVE A REPLY

Please enter your comment!
Please enter your name here