Sea flower a gandja uumbautu kAakatyali

0
170

ONDANGWA – Ehangano lyo Sea flower mo Luderitz metine lyomasiku 24 gomwedhi gwaziko olyali lya gandja omakwatho koshikandjohogololo sha Katyali. Ehangano ndino olya gandja uumbautu mbono tawu kala hawu longithwa unene pethimbo lyefundja.

Oshikandjohogolo Okatyali osho shimwe sha konekiwa hashi dhengwa unene kefundja pethimbo lyomvula.  Konima ashike sho kansela goshikandjohogololo Joseph Mupetami Okatyali ali a pula ehangano ndika opo li mu kwathele uumbautu, olyali lya yamukula mbala keyindilo ndika.

Ehangano ndino olya gandja uumbautu utano, mbono taku tiwa ohawu humbata aantu yeli omulongo. Mupetami okwati oshikandjohogololo she ohashi longo nuudhigu pethimbo lyomvula, “efundja ohali kwata unene Okatyali nolundji aanahambo yokoombinga dhetu ihaya vulu okupita momeya oshoka ohaga kala ogendji unene onkee ondali nda pula ehangano ndika lyo Seaflower li tu kwathele nolya yamukula mbala ompumbwe yetu ndjika,” Mupetami ta ti ngaaka.

Mupetami tati woo uumbautu mbuno itawu kwatha owala Aakatyali ayeke. “Konyala otawu ka kwatha oshitopolwa ashihe shaShana oombinga ndhoka hadhi adhika unene kefundja, otatu ka topolelathana nUuvudhiya, Ompundja oshowo ombinga yimwe yOshikoto ndjono yina oohambo huka, aanahambo yetu pethimbo lyomvula ihaya faalelwa iikulya oshoka aantu kayena nkene taya taaguluka omeya ngoka gefundja,”, ta gwedha po.

Okwa tsikileko tati okwa pandula ehangano ndika lyo Seaflower sho lya yamukula mbala ekemo lyawo, naaluhe sho hali gandja omakwatho kaakwashigwana. Okwa pandula woo ngono ta kwathele pakathimbo mehangano ndika onga  CEO yehangano ndika Mike Nghipunya. Mupetami ta ti ota indile omahangano gopaumwene ga kuthe oshiholelwa oshiwanawa kehangano lyo Sea Flower, go ga kale noku yambidhidha aluhe. Tati kashali oshipu ashike ota lu omalugodhi opo a sindane oshoka ina hala aakwashigwana ye taya mono iihuna.

Nghipunya okwati ehangano lyawo ohali gandja aluhe omakwatho na otali kambadhala oku tsakaneka epangelo ondjilakati moku kwathela mboka yeli mompumbwe, ta holola kutya ohaya gandja oohi koosikola.

KuMaria Namupala

LEAVE A REPLY

Please enter your comment!
Please enter your name here