Uudhano waanuulema ehulilo shiwike ndika

0
278

OSHAKATI – Oshakati Heros Athletics Club otayi longekidha uudhano waadhani mboka yena uulema. Uudhano mbuka owa thanekwa wu ka kaleko  mehuliloshiwike ndika pokapale kEmanguluko kaShakati.

Omulongekidhi guudhano mbuka, Toini Kasheeta ngoka eli wo omunambelewa gwomaudhano moshitopolwa shaShana okwa ti iitopolwa sha Karas,Hardap, Khomas,Ohangwena,Erongo,Oshikoto, Kavango West, Kavango East nOmusati oya koleka nale kutya otayi ka kuthombinga muudhano mbuka.

Kasheeta okwa ti iitopolwa ya tumbulwa metetekelo otayi ka kuthombinga muudhano woAtletika pokapale kemanguluko mOshakati.

Ta ti elalakano lyuudhano mbuka olyo okugandja ompito kaaNamibia mboka taya lumbu nuulema ya wa pe okudhana unene tuu sho olundji yo haya liwa oshipungo ngele otashiya komaudhano. Ta ti ndjika oyo ompito ombwaananwa opo aanuulema ya ulike iitalenti yawo nokuulukila kutya uulema kauna oonkondo.

Kasheeta okwa ti aadhani ngaashi Lahja Ishitile ngoka nokuli omasiku gaziko asindana ombandi yoshikushu muudhano wo Common Wealth omo ya pitila momathigathano goludhi nduka.

Ota indile aaNamibia koombinga noombinga opo ya ye kokapale mEtihamano opo ya ka yambidhidhe aanuulema no ku  ya tsa omukumo momaudhano gawo.

Ta kumagidha wo aavali mboka yena uunona wuna uulema opo yafale aanona mbaka kokapale opo wo yakadhimbulule kutya aantu yena uulema nayo otaya vulu okuninga sha.

Uudhano mbuka owa kwashilipalekwa kehangano lyo African Consultancy Services nokapandi koo N$30 000, naashika otashi kaninga oshikando 12 taya kwashilipalekwa noshimaliwa shi thike mpoka.

Ku Shipi Elago

 

 

LEAVE A REPLY

Please enter your comment!
Please enter your name here