Uudhano woFacebook inawu pwa okudhanwa natango auhe

0
300

ONDANGWA-Uudhano wetanga lyokoompadhi kohi yedhina Facebook.com  natango ina wu mona omusindani. Omwaalu gwoosipana dhokatanga kokoompadhi ogwayi pombanda omumvo nguka, naashika osho sha eta opo uudhano mbuka wu kale inawu pwa muule wehulilo shiwike lyaziko.

Gumwe gwomaunganeki yuudhano mbuka Leizy Nainda okwati “uudhano wokatanga kokoompadhi mbuka otawu ke ya pula natango ehulilo shiwike lyuudha opo wu wape okumona omusindani. Nainda ta tsikileko ta ti uudhano mbuka ota wu ka tsikila mehulilo shiwike lyo 27-28 September moka ya tegelela omadhingoloko ge vule po 16 okuthika kedhingoloko lyahugunina.

Ta kumagidha oosipana dhi ka kwate nawa ethimbo opo uudhano mbuka wuka manithwe mehuliloshiwike ndyoka. Facebook-Games-One

Nonando uudhano wokatanga kokoompadhi ina wu pwa , shika ina shi ya moshipala egandjo lyomapapa kuudhano wokatanga komokambamba netanga lyokomake.

Composite Depo oye a sindanapo uudhano wokatanga komokambamaba konima sho a hanagulapo Ongwediva Medipark nookola 41 mo 21 nokutoolapo Ekopi ,eembandi dhoshingoli,nokapandi ko N$ 7000,Ongwediva Medipark oya mbendekwa N$ 4000, noombandi dhoshisiliveli.

Nakapele Volleyball Club oye shi pondola okudhenga NDF Navy nokutoolapo Ekopi, okapandi ko N$7000, noombandi dhoshingoli, ye NDF Navy ta kuthapo ehala etiyali moka a mbendekwa N$ 4000, noombandi dhoshisiliveli.

Omupopiliko goFacebook, Asteria Ndjendja okwati uudhano mbuka owa kwashilipalekwa nokapandi ko N$ 100,000 ,moka wo yeli ya kwashilipalekwa komahangano ngaashi OTB Sport ndjoka yakwashilipaleka Omakopi ,eembandi,nomatanga.

Ooshali dhimwe odha za komahangano ngaashi Coca Cola, Three Dimension, Omaalala Investment, Mupa Investment, Radio Energy, nOngwediva Ambulance Services.

Oshigwana shomiitopolwa yokonooli noyo puushiinda oombwa dha kwata odheni sho Facebook.com taka galulila ethigathano ndika mondambo natango muule wiiwike iishona, tuleni onguti pomeya.

Ku Shipi Elago

LEAVE A REPLY

Please enter your comment!
Please enter your name here