A dhimbulukwa enongelo lye lyonale

0
164

ONGWEDIVA-Omumatuki dhingi, naangoka eli enyakwa lyuuyuni moshinano sho T13  400m Johannes Nambala a gandja omagano kosikola ye ndjoka yemu putudha Etitano lyaziko.

Johannes Nambala ngoka mongashingeyi wo oye omukalelipo gwehangano lyoWindhoek Lager pamaudhano,nokuli wo omudhani gwokomumvo ena uulema moNamibia okwa li a gandja ooN$ 10 000, kosikola Eluwa Special School.

Nambala okwati osikola ndjika oyo yili thimba yina ongodhi ngele otashiya keputudho lye pamaudhano onkene aluhe oyili komutima gwe.

Ndhika Nambala okwe dhi popile poshiindingili shoka sha li shaningilwa pOsikola Eluwa moka Nambala a gandja ocheke yo N$ 10 000, komukuluntusikola pOsikola Eluwa.

Nambala okwati okwatokola opo a topole okashona hoka a mono mesindano lyUukalelipo wo Windhoek Lager  nOsikola yEluwa opo yi vule okuhumitha komeho oshimpungu shomaudhano.

Ta tsikileko wo ta ti okwa hala omagano ngaka ga kale etsomukumo kaanasikola yomEluwa okulonga nuudhiginini miimpungulonga yawo opo Osikola ndjika yi tsikile nokugandja iiyimati iiwanawa moshigwana.

Egandjo lyooshali ndika olya tsakanene wo nehambelelo lya Lahja Iishitile omulongwa omukulu penongelo ndika ngoka naye opo a galuka kuudhano wo Common Wealth Games hoka a sindana ombandi yoshikushu.

KuShipi Elago

 

LEAVE A REPLY

Please enter your comment!
Please enter your name here