Ehangano lyombokisa moZambezi lya pumbwa iilongitho

0
221

KATIMA MULILO – Omunashipundi sholutu lwombokisa moshitopolwa shaZambezi nenge Zambezi Boxing Federation, Lister Sabuta, okwa indile oshigwana shaanangeshefa  oshowo aa iyambi  moshitopolwa sha Zambezi opo ya kwathele aadhengingonyo omahala goku idheulila opo mbaka ya vule okwaadha oondjodhi dhawo.

Omunambelewa nguka muudhano woongonyo okwa ti oshitopolwa sha Zambezi oshina iitalendi mokudhenga oongonyo ndele eyokomeho lyaambaka otali kwatwa moshipala kompumbwe yomahala goku idheulila.

“Okupopya oshili tse otwa yambekwa  niilongitho yoku idheulila uudhano woongonyo mbyoka twa pewa komalutu ge nasha nuudhano ndele uupyakadhi mboka wu li mondjila yetu oomboka wo kwaana omahala okudheulila aambokisi yetu muka moKatima Mulilo.Ehala lyokwiidheulila ndyoka lilipo oshinyanga shoshigwana sha Ngweze  ohashi futilwa oodola N$500-00 komwedhi ndele tse katuna iimaliwa ya tya ngaaka omwedhi,’osho Sabuta a ti

Mondoolopa ya Katima Mulilo omuna  oospana dhaadhengi yoongonyo odhindji dhomoosikola ngaashi Sikosinyana Secondary School, Sanjo Lusese Secondary, Mayuni Secondary School, Sangwali Senior Secondary School na Simataa Secondary School, adhihe dha za mokati ka Katima Mulilo.

“Nashi uvikeko kutya aadhengingonyo yetu oyendji aanasikola na ohaya idheula ashike konima yootundi sho etango lyaningina . Omolwashika mbaka otaya pumbwa osheenditho okuya fala komagumbo konima yomadhewo gawo.Ihe tse katuna oshimaliwa sha tya ngaaka oku ya fala komagumbo konima yomadhewo gawo esiku kehe.,”

 Sabuta okwa ti oshitopolwa shika osha etapo nale aadhengingonyo yeli nawa,mokati kaambaka omuna Nkando Hassel Matengu, ngoka taka kalelapo Namibia puudhano wombokisa yaadhengingonyo kohi yomimvo20 tawu ka ningilwa moBulawayo shaZimbabwe,mu Desemba nuumvo.Omumbokisi nguka okwa li a hogololwa molwa omalugodhi omawanawa ali  adhana  pomalolelo gopashigwana pOmbaye.

 “Otuna aadhengingonyo aagundjuka yena ontseyo yili nawa, naashika oya li ye shi ulike pethimbo lyuudhano woongonyo poRundu nopOmbaye mpoka mbaka ya li ya etelele oombandi  moondjundo dha yooloka.” oshoSabuta a ulike.

KuCarlos Kambaekwa

LEAVE A REPLY

Please enter your comment!
Please enter your name here