MVA a indile aahingi yomaloli ya simaneke oompango dhomoondjila

0
228

ONDANGWA  – Ehangano lyo Motor Vehicle Accident Fund MVA olya indile aalongithi yoondjila unene aahingi yomaloli gomitsalo ya simaneke oompango dhomoondjila. MVA okwa indile  wo aahingi yoololi opo ya longekidhe nawa omalweendo gawo , noku tala wo kutya oya mona evululuko lya gwana omanga inaa ya ya mela lyondjila. MVA okwa indile aahingi ya vulike ngeyi opo ku yandwe iiponga yomoondjila mbyoka yili po tayi indjipala esiku kehe.

Ekumagidho ndika oshowo egalikano ndika lyoshiketha shoku kwatha mboka ya monena iiponga miiyenditho olya ningwa konima sho MVA a lopotelwa oshiponga shoka moka mwa kanene oomwenyo dhaantu yatatu oshiwike shayi. 

Oshiponga shika oshinene oshaningilwa mondjila onene pokati kOnathinge nOndangwa  omutenya gwEtitatu lya ziko.  Kuuyelele mboka wa gandjwa kehangano ndika otawu holola kutya moshiponga shika omwa kanene oomwenyo dhaantu yatatu omanga yaali ya ehamekwa unene, no yali ya taambelwa moshipangelo shaNandjokwe. Mokati koonakusa mboka ya hulithile  poshiponga omwa kwatelwa  omunona omushona. Omuhingi gweloli okwa hupu moshiponga inaa ehamekwa nando osha.

Oshiponga okwa hokololwa sha holoka sho ololi yehangano 6000, ya li tayi zi kopate noyi idhenge omutse nomutse  nohauto yobakki ndjoka ya li ya humbata aantu yatano. Oshiponga shoka osha ningilwa pomukundaOnepandagulo popepi nuundingosho wedhina Oniimbwele.

MVA okwali a holola kutya iiponga oyindji otayi holoka unene no tayi etithwa kaahingi yomaloli mbono yafa  anuwa itaaya landula oompango nomautho  gomoondjila.  Pamuyalu ngono gwa gandjwa kehangano ndika otagu ulike kutya  konyala iiponga 280 oyali ya lopotwa okuza omvula yaziko 2013, nomwa kanena  oomwenyo dhaantu yeli 98, taku hololwa kutya iiponga mbika oya etwa sho omaloli gi ipumu mumwe noohauto dhilwe.

Kuyele nuumvo okwa li kwa lopotwa oshiponga shono sha ningilwe pOkahandja sho ombesa yali ya humbata aaniilonga yaNamdeb yi ipumu mumwe nololi yali ka humbata iikulya noposhiponga opwali pwa kanene oomwenyo dhaantu yaheyali. Mu Maalitsa okwali woo kwa lopotwa oshiponga sha ningilwa pOniingo mono mwa kanene oomwenyo dhaantu omugoyi nomuhingi gwololi oye awike a li a hupu mo. Otaku gandjwa omahekeleko kaakwanezimo yoonakusa mbaka ya kanitha oomwenyo dhawo.

KuMaria Namupala

LEAVE A REPLY

Please enter your comment!
Please enter your name here