Omaudhano moshitopolwa shaZambezi otaga humu komeho nawa

0
182

KuCarlos Kambaekwa

KATIMA MULILO – Omunashipundi gwomaudhano moosikola dha Namibia moshitopolwa sha Zambezi okuna etegameno kutya aadhani yomaudhano ga yooloka moshitopolwa shoka otaya ka mona iilongitho yili nawa monakuyiwa.

Kobus Njubei okwa popi ndhika nonando pethimbo ndika iikwaniipangitho yomaudhano oya pumba noonkondo moshitopolwa shoka. 

Njubei okwa ti aatondoki nenge aadhani aagundjuka oye melila lili nawa nonando kayena iikwathitho yomaudhano yuudhapo oshowo omashongo ogendji ngoka ge li mondjila yawo  oku idheula ya ninge aanuudhano omanyakwa moshitopolwa shoka.

“Eshongo enene ndyoka lyetu taalela ngashingeyi olyo ompumbwe yoshimaliwa oshoka olutu lwomaudhano gomoosikola NSSU ihali kwathele mokufutila omalweendo gaalongisikola uuna mbaka taya ende pamwe naanona ngele taya yi komathigathano giitopolwa nooshowo gomahala gontumba,”

Okwa pe wo ombedhi aanangeshefa moshitopolwa sho ya huhwa no inaa ya itulamo mokuyambidhidha  iinyangadhalwa yomaudhano moshitopolwa shika.

“Otwa ninga oonkambadhala odhindji oku itaalitha aanangeshefa yetu moshitopolwa shika opo yetu joine moshinima shuudhano, ndele inatu shi pondola oku ya itaalitha opo ya tule  iimaliwa yawo momaudhano moshitopolwa osha owala omaindilo getu ga gwile momakutsi ga thita.” Osho Njubei a ti.

 “Olutu luudhano olwa pumbwa oshimaliwa okulanda omatalashe mpoka hapu thikile oonakunuka  ontanu, oshoka ngele ngaka kagepo nena omuntu ito tegelele aanuki yontanu ya kale taya nuka yaana uumbanda.Naashika otashi thitikininemo iipewa yuudhano mokati kaadhani mbaka oshoka otaya ilongekidhile monkalo yaali nawa.” Njubei a tsikile.

Okwa nyenyeta wo  kombinga yokapale kamwe koo okashona komaudhano hoka taka adhika moshitopolwa shoka . Okwa ti haka ishewe kakena nando omalamba opo aadhani liandola ya kale noku idheula uusiku uuna sha pumbiwa.

 “Otwa popi oshinima shika naNgoloneya gwoshitopolwa moku nyola omikanda odhindji ndele sigo oompaka inatu mona eyamukulo lyokolela. Ishewe olundji otwa thiminikwa okuka dhana momakuti nenge momikunda , na otwa pumbwa iiyenditho hayi nana akuhe, ishewe mushika kapena ngoka iilongekidha okutu kwatha,”

 Njubei okwa kombo nokupandula Ominista yOpevi yUuyelele , Stanley Simataa, omolwa eyambidhidho lye lyaana ekumuko komaudhano omimvo adhihe dhapiti.

 “Otandi zimine kutya ye (Simataa) okwa tumwa kuPamba oshoka oye omuntu gumwe awike  ngoka a kutha mondjato ye  omumvo kehe okukwashilipaleka omaudhano komumvo kehe unene etanga lyokoompadhi naandyoka lyomokambamba oshowo okulandela aakuthimbinga iikulya pethimbo lyuudhano”.

 Njubei okwa thethenga wo aavali yaanona sho aluhe yiilongekidha oku kwathela olutu luudhano nomagano ngoka lihaya gandja kashina mbudhi kutya oge thike peni , unene tuu sho oyendji yomuyo yaana oondjato dha pama opo ya vule okugandja oshimaliwa.

LEAVE A REPLY

Please enter your comment!
Please enter your name here