Omsaane Niihana a nyanyudha engathithi lyaatali poPolytechnic

0
209

WINDHOEK-Omuhikingalo gwoongalo dhopamuthigululwakalo ngoka eshiwike nawa koyendji nedhina Omsaane Niihana osho a nyanyudha nawa engathithi lyaatali mboka yali ya holoka koshituthi shopamuthigululwakalo shokomumvo shoPolytechnic ongulohi yEtiyali, oshiwike shika.

Omsaane Niihana ngoka ali a ulike shoka ha vulu okuninga lwopotundi ontimulongo yuusiku (22h00) okwali a imbi uungalo utatu, moka mwakwatelwa Kaholike Kandje, Oluhepo Omukithi nOpay. Oyendji mboka yali yahilwa koshitopolwa shika shomainyanyudho oyali yakala nokuligola mokule pehala opo tuu mpoka. 

Kakele ashike kOmsaane Niihana, opwa li woo puna iinyangadhalwa ya yoolokathana ngaashi uuhokololo, iinyandwa niiyolithi naahikingalo woo ya yoolokathana. 

Omuyolithi gumwe Ileka ngoka eshiwike nawa nedhina Omungandjela, Yashe, naye woo okwa nyanyudha nawa engathithi ndyoka sho ali a gandja oshipopiwa she shiiyolitha ethimbo lithike pominute omilongo ndatu.

Omainyanyudho ngaka onkene natango taga tsikile koPolytechnic sigo Etitano ndika. 

KuPinehas Nakaziko

Poly-Omsaane Poly-Ileka

LEAVE A REPLY

Please enter your comment!
Please enter your name here