Omukwashigwana sha Cuba iitsuwa asa komeho gegumbo lye

0
172

ONGWEDIVA – Omusamane omukokele lela omukwashigwana gwa Cuba okwa itsuwa asa kaanona yosikola moMaandaha omutenya  pondje yegumbo lye  mOutapi moshitopolwa sha Omusati.

Opolisi mOmusati oya ti kutya aniwa omulumentu nguka okwali ashike  aadhika alala asa komeho gegumbo lye kaanona yosikola mboka ya lombwele aakuluntu yawo mbo ya notheleko opolisi.

Omukokele nguka gwomimvo 60 Haranbez Puenpe Sergio okwala nduno ena egumbo lye mOutapi mpoka opo hazi okuya kiilonga.

Sergio okwa kala omukalelipo miilonga gwaCuba muuministeli wIikwagumbo , ashike opolisi oya ti kutya osheetithi sheso ka shi shiwike oshoka omukulupe nguka ina adhika ena oka kulumuna nando okasha  kolutu .

“Oshi etithi sheso otashi kamonika shike ngele omudhimba nguka gwa tandwa, ngashingeyi oshidhigu okumona kutya Sergio okwasi kushike oshoka kena nande okakulumuna kolutu,” omupopiliko gwopolisi yaMusati, Shisande Heskiel Hamalwa a ti.

Hamalwa okwa ti wo omakonaakono gopolisi otaga tsikile moshiningwanima shika.

KuLoide Jason 

LEAVE A REPLY

Please enter your comment!
Please enter your name here