A thigwa pomutenya komulilo

0
333

ONYAANYA – Omulumentu omugundjuka lela gwomomukunda Olambo moshikandjohogololo shaNyaanya okwa thigwa pomutenya sho ondunda ye ndjoka yali yapungulilwa iinima ayihe yongushu megumbo ya pipo thiluthilu.

Mathew Hango okwa thigwa pomutenya sho aniwa oofridge dhe ndatu, iipundi 100, omashofa,oradio yomuzizimbe  noshowo eshina lyogenerator mbyoka aniwa yina ongushu yoshimaliwa shoondola dhivulithe N$100 000 ya hanagulwapo komulilo.

Hango oyendji oye mushile moshikondo shElongo moka eli ngashingeyi omulongi gwoshiputudhilo shopOmbanda shOngwediva Vocational Training Centre mOwambo.

Ondunda ndjika Hango okwa hokolola kutya aniwa okwali eyi talako ongompungulilo ye megumbo nonando oyali oseti.

“Ondunda ndjika oyo handilongitha okutala iilonga yaalongwa yandje , okutala oTV, okuvululukwa noshowo oku kundathana naayenda ngele opena. Omaliko gandje agehe gayi, uunene tuu ofridge ndjoka nda kala nokulongitha okuhiilitha  noshowo iipundi ethele nokashina kolusheno . Ondatulwa pomutenya uunene.” Hango a lombwele Kundana.

Hango okwa ti kutya ye naakwanegumbo lye noshowo aashinda she oya haluthwa uunene tuu sho kaayeshi kutya omundilo ogwa zi peni oshoka aniwa ondunda yosetti ohamu longithwa ashike olusheno lwoketango ndoka taya ti kutya itaalu vulu oku etitha omundilo .

Aashiinda mboka ya tondoka onkugo oyati kutya oya haluka uunene oshoka omundilo nguka ogwa fika ashike meni lyondunda ndjoka yali yapakela iikwangushu etagu hulile mpoka oshoka gwa dhimwa ngaa ne kaashiinda.

“ Ngeno pamwe iinima yimwe oya hupa ngaa , ashike omwali muna omitopelo odhindjidhindji ndhoka dhetu tilitha okuyamo mondunda moka.

Kundana sho a thiki pegumbo mpoka okwali a adha aashiinda yeli mo ye ya okutala ompile noshowo okugandja uukumwe komushiinda shawo ngoka aadhika koshipongac shoka nokwa kanitha eliko lye olindji.

Ben Nambahu, mwene gwomukunda Olambo okwati kutya yo oya tila oshoka kayeshi kutya omundilo nguka ogwa zi peni aantu ayehe oya adhika yalala oshoka aniwa onkugo oye yi uvu ashike 01h00.

“Tse otwa haluka oshoka shika oshiningwanima sho tango pomukunda gwandje shoondunda tadhi pi kaapeshiwike kutya omundilo ogwa zi peni. Oshikumitha notashi tilitha,” Nambahu ati.

Ashike Hango okwati kutya onkalamwenyo ye ngashingeyi oya mbandapala oshoka omwedhi gwaziko okwali a hupu moshiponga shohauto na oshihauto she oshali shahalakanapo omasiku tuu ngaka sho shali moshiponga .

Okwa ti ohauto ye ngashingeyi itayi vulu okulongululwa oshoka oya ehama noonkondo. house-burnt-2

KuLoide Jason 

LEAVE A REPLY

Please enter your comment!
Please enter your name here