A tsuwa nombele omolwa okakadhona

2
349

ONAYENA – Erastus Kamati  gwomomukunda Oipapakane moshitopolwa shaHangwena okwa tsuwa momutse iikando ine (4) konima sho yali taya tamanana kombinga yokakadhona.

Kamati okwa tsuwa anuwa noshitenda shahonga kuKamulu Fillemon ngono a tseyika nawa nedhina Akutu. 

Otaku hokololwa kutya Kamulu oyena okanona kokakadhona Ndapewa ngono ali nale omukadhona gwe ashike oyali yi iyetha noya kala ethimbo kaa yeli pamwe ngaashingeyi.

Pahokololo lya gandjwa ku gumwe ngono omupopepi na Kamati nokwa tindi okutumbulwa kedhina, okwati Kamati okwali a yi kegumbo lyaakuluntu ye na Ndapewa oshiwike sha ziko opo a ka tokelwe hoka oshoka,sho  anuwa Ndapewa yi iyetha na Kamulu okwa monopo ihe Kamati gwe.

Anuwa omanga ya adhika ya lala ohaluka Kamulu eya mo mondunda moka  ya adhika ya lala noku undulapo omweelo, noku tameka ihe ta nyenyeta ta pula Kamati kutya omolwashike ena oku ka lala naangono ali omukadhona gwe nale. 

Kamulu okwa kutha oshitenda nokutsa nee Kamati ngaaka. Kamati pamapulapulo kuyele oshiwike shino okwa hokolola kutya  oyali ya tameke kuya mekwatathano lyiihole noya kala pamwe ashike uule woomwedhi mbali (2) ngaashingeyi tati ina ya kala ngaa ethimbo unene, ta holola kutya ka pwali ando puna uupyakadhi pokati ke na Kamulu.

“Kandishi kutya omolwashike Kamulu ena ku ponokelandje momukalo gwa tya ngeyika , ngame ishewe kandali ndeshi tegelela,” Kamati tati ngaaka.

Otaku hokololwa kutya gumwe gomookahewa ka Kamulu okwali a lopota noku popya iinima yaafele ku Kamulu ngono pethimbo ta hokololelwa a adhika anuwa a kolwa. Nonande ya adhika ya topoka nale na Ndapewa okwali a tokola opo a ka konge Kamati kaandjawo nokumu ehameka ngaaka.

Opolisi ya Hangwena oyali ya lopotelwa oshinima shika noyali ya thiki poshiningwanima mbala, noku fala Kamati koshipangelo kEngela. Kamati okwali ta monika afa a ngwangwa oshoka oshinima shino oshali shemu halutha noonkondo, ye kali ta vulu noku popya ethimbo ndyoka. Kamati ina tulilamo Kamulu oshipotha oshoka pauyemwene okwa ti otaya ka kundathana na mwene gwomukunda gwawo opo Kamulu a ka pangulwe hoka.  Mwene gwomukunda Oipapakane, Lafael Mbangula okwa ti otaya ka konga esiku opo yi ithane Kamati na Kamulu yo ya pulakenithwe oshoka Kamati okwa ti okwa hala a uve kutya Kamulu okwe mu tsile shike.

KuMaria Namupala

2 COMMENTS

  1. akwetu oshike ano hatu yikuthileni omatokolo tse katuneni uuyelele wawana, aanamibia atu kahulila peni? tupangelweni kombepo yohole nuumwainatha opo ike atuka leni tuli nawa

  2. what a hell? did that guy know that even your wife if they were married then you guys separate she gonna have next men, did he know that ladys are jst a taxi where there is even 4 (four) passegers but people they still hiking and once one customer get off one is get in? did he mean if he get off from taxi then one get in en take a sit where he was he gonna chase the taxi to hit him? shame on you men! it was better for you to go find onother one, if u hike a taxi then past you just waite another

LEAVE A REPLY

Please enter your comment!
Please enter your name here