Uudhano wOlympic yaagundjuka

0
158

WINDHOEK – Namibia okwa kalelwapo kospana yaadhani omilongo 30 puudhano wOlympica mboka tawu tameke oshiwike shika moNanjing sha China. Uudhano mbuka tawu ningilwa pokapale ka Nanjing Olympic Sports Center otau tameke 16-28 August nuumvo. Okwa tegelelwa mbuka wu ka kalwe kaadhani ye li lwopomayovi 3600 yaza miilongo 204  mbyoka tayi  kuthombinga.

Namibia ota kuthombinga momaudhano geli gahetatu ngaka ogo athletics, etanga lyokoompadhi, oombasikela, ogymnastika , okuyoga, otenesa, etanga lyokomunkulofuta nokuumba uutati. Ospana ya Namibia oya li ya ningilwa elaleko lyayo oshiwike sha yi poArebush Lodge moWindhoek mpoka aadhani ya li ya kala pamwe nooyakwawo oshowo naakwanezimo nookuume omanga inaa ya ya mela lyondjila.

Uudhano mbuka wOlympic ohau longekidhwa  kokomittee yOlympic Yopaigwana na ohau dhanwa konima yomimvo ne kehe wa faathana ashike  naamboka wOlympic yongashingeyi haku ningi ethimbo limwe wa dhanwa pothinge na limwe wa dhanwa pokufu. 

Uudhano wopothinge waagundjuka owa dhanenwe moSingapore okuza 14-26 Auguste 2010 omanga wopokufu wa dhanenwe mo Innsbruck, Austria okuza 13-22 Januali 2012. Aadhani muudhano mbuka aagundjuka yomimvo 14-18.

Uudhano waagundjuka wOlympic owa tokolelwe ko komittee yuudhano mbuka omumvo 2007. Oshilando shoka moka hamu dhanenwa uudhano mbuka ohashi topola elongitho lyoshimaliwa molwawo pamwe nOraata yOlympic Yopaigwana , yoOraata tayi futile olweendo lwaadhani oshowo lwaa dheuli yaadhani

KuOtniel Hembapu

LEAVE A REPLY

Please enter your comment!
Please enter your name here