99FM na Absolut Vodka ya ningi omaulikulo oku ulika uunkulungu

0
201

KuSabina Elago

WINDHOEK- Okuulika oonkondo dhiilonga yokuthaneka nenge okuhonga sha okuumbasha moshigwana noshowo oshimpungu shuunkulungu wa yooloka, 99FM pamwe na Absolut Vodka oya ningile omauliko giilonga yuunkulungu oshiwike shika pomatungo omakulu goOld Power Station muumbugantu waVenduka. 

Oonkulungu dha hogololwa okuza miilonga yuunkulungu ya yooloka odha li dha ulike iilongomwa yadho oshowo odha li tadhi ulike nkene hadhi etapo iilongomwa mbyoka okuza moonzotungo  dhayo, momahala gawo gokulongela metungo lyomipepo pOld Power Station.

Oonkulungu ndhoka dha li tadhi ulike iilonga yadho odho , John Kalunda a Collage Artist, Mieke Droomer a Etch Artist, Alfeus Mvula a Sculptor, Angelika Eichas a Wire Knitter, Frieda Luhl a Jewellery Designer,Nikola Conradie a Fashion Designer, Willem Very a Photographer, Tim Huebschle a Film Director, Lize Ehlers a Singer and Songwriter,  Izaan Pauw a Potter, Andry Van Zyl a Tatoo Artist, Renier de Bruyn a Painter Artist na Haiko Boldt a Production Editor.

John Kalunda oha thaneke iitopolwa moshilando shaVenduka nokwa longitha omikalo nomadhiladhilo ga yooloka okuthaneka nombapa , naambika okwa li eyi ulike pethimbo lyomauliko ngaka moVenduka. Okwa mbapeka omagumbo giipeleki nenge tutye giinyakwi ngoka taga ulike okwaathike pamwe  meyokomeho  lyaantu.Okwa tala kedhiladhilo lyomagumbo giinyakwi niipeleki nelalakano okuulika iitungithi mbyoka ya longithwa okutungapo omagumbo ngoka. “Okumbapeka kwe otaku hokolola eyokomeho  molukanda lwiinyakwi, ngaashi olusheno, omeya, omagumbo ngoka oyendji yomiinyakwi itaa ya vulu okumona nuupu,” Kalunda a ti.

Okwa valelwa nokuputukila moshitopolwa shaKavango na okuna Onzapo Muunkulungu wu Wetike eyi likola moCollege of the Art.”Ngame onda kokele pamwe nuunkulungu  oshoka tate okwa li omuhongi gwiiti, onkene uunkulungu mbuka owo onkalamwenyo yandje,”Kalunda a ti.

Oha longo noshingoli oshowo oshisiliveli mbyoka ha hambula noku yi ninga iikwamalyenge, Fried Luhl oha longitha oonzo dhondilo  mekwatelokumwe nadhilwe okushitapo iikwaulyenge inaau monika nale. “Okulonga noonzo longithwa ndhika otashi  uvitha nawa noshowo omukalo tagu hokitha.Iilongomwa ye oyindji  ohayi longwa ashike lumwe nenge olupita no itaa yi ka endululwa we ishewe.” Ondi hole oshinima shoka kutya aayakulwa yandje oya zala oshilongomwa shandje shoka itaashi ka adhika komuntu ishewe gumwe shafa shoka,”Luhl a ti

Elalakano lyomauliko olyo okuulika kutya uunkulungu owo oshimpungu momahupilo shasimana niishewe tashi vulu oku ya komeho  okweetapo oompito dhiilonga kaalongimo, kaalandi naalandi yiilonga yuunkulungu mbaka.

 Pic: Art in the Act

Caption: John Kalunda iipyakidhila nokumbapeka pomauliko giilonga yuunkulungu miilonga.

 2. Izaan Pauw Iipyakidhila mostudio ye pOld Power Station mpoka pwa li omauliko giilonga  yuunkulungu oshiwike shika.

LEAVE A REPLY

Please enter your comment!
Please enter your name here