Aanona yatatu  yalungwina po momulilo manga ooyina ta yanu otombo

1
373

KuLoide Jason

ONGWEDIVA-Aakalimo yomomukunda Omumbonde moshikandjohogolola shaRuacana oyeli momambililo nomonkumwe sho oohembundangele yatatu ya lungunapo thiluthilu momulilo metine lyoshiwike shaziko.

Uunona mbuka uushuushuka owali wa pile mondunda omutenya gwaankala omanga ooyina yaya koondingosho ya kanwa otombo.

Oombangi odha hokolola kutya aniwa omukulupe gumwe gwopuushiinda okwa tsakaneke okaana kamwe po kena oomvula ndatu ta kamatuka ko taka kugagana eteka faala kegumbo hoka adha yakwawo yatatu yapilamo nale mondunda oshoka haka okahupu.

Aniwa omukulupe nguka okwa tondoka nee opo aka lombwele ooyene yegumbo kutya oyana oyapya omanga yo ya ya koondingosho ya kanwa otombo.

Sho aniwa yazi kuukamba hoka oya adhamo ashike omutoko megumbo ano uunona wapya thiluthilu na kaye shi kutya omundilo ogwazi peni.

Uunona mboka wapya owo nee Katambo Tjopondje ena oomvula heyali, Dolina Tjimata ena oomvula mbali omanga Shindandi Mateus Tualinawo ena omvula yimwe.

Ngoka nee a hutuka moshiponga moka okuna oomvula ndatu , ina shiyela nee kutya ye okwa hupu ngiini ye woo ina vula okugandja uuyelele wa gwana oshoka keshi kupopya omushona natango.

Oshiponga shika oshaholoka nee megalanga lyomutenya potundi onti 15h00.

Omahokololo otaga anuwa uunona mbuka hele ngaa wa kala ohau kala ashike megumbo owo auke hoka kena omimvo heyali oko haka telekele yakwawo.

Aniwa unene nee paife sho ka tameke osikola oha kazi ashike kosikola taka adha megumbo inamu telekwa ko ta keya okuteleka sho taka zi kosikola.

Omupopliko gwOpolisi yaMusati  Hiskiel Hamalwa okwa ti kutya aakuluntu naya ilonge okusila aanona oshimpwiyu oshoka kashili mondjila okuthiga aanona yethike mpoka megumbo oyo ayeke.

Oya nyenyeta woo kutya aniwa uunona mboka itawu mono uuteku wagwana oshoka ihau kala pamwe naakuluntu yawo.

Ashike omakonaakono gopolisi otaga tsikile moshinima shika.

1 COMMENT

  1. omalodu ta teya po oshiwana fiyo osheshi omunhu ita mono nefimbo loku fila oshisho ounona ovo a humbata eemweedi 9.eendjona domwene nandi tulumukwe nombili.

LEAVE A REPLY

Please enter your comment!
Please enter your name here