Angelina Mbangula oye omukiintu gwotango muudhano woombasikela monooli

0
200

KuShipi Elago

ONGWEDIVA – Angelina Mbangula gwomomukunda Omatando okwa ningi ondjokonona sho a ningi omukiintu gwotango ta kutha ombinga muudhano wUumbasikela monooli nando eli pomimvo 57.

Sho ali mekwatathano na Kundana Mbangula ngoka ali a thigipo wo oyendji yomaanyanya magulu yakuthile ombinga mUudhano waNedbank okwa ti okambasikela okwe ka tameka manga ali pomimvo heyali.

Okwati he Mbangula oye e mulonga okuhinga okathanguthangu e shiningi opo a kale he ka longitha uuna ta tumwa komikunda dhopopepi.

Ta tsikileko ta ti yo nokathanguthangu oyafa ekuvu nela oshoka ngele okwapitithapo omasiku ogendji inaa hinga okambasikela shila omasiku geli gaali.

Ta ti mongashiingeyi Okambasikela okeli lela osheenditho shasimana kuye oshoka ohake mulongele iilonga yasimana nokeli kanawapaleka onkalamwenyo ye.

Okwa ti ohalongitha okambasikela haka okuya kelongelo Kalunga, okukatalelapo aakwanezimo lye,nokuya kOshakati aka lande iilandomwa ye.

Ota ti oshinano oshile a hinga manga ineya kUudhano woNedbank okuza kOmatando tayi kOshikuku uule wookilometa 40 lwaampoka.

Angelina okwati okambasikela ohake munyanyudha noonkondo, na ota kumagidha aaNamibia ayehe yatameke okuhinga uumbasikela, tati shika otashi vulu okulelepeka uundjolowele wawo.

Angelina okwa holola kutya ye ina ninga nando omadhewo okwiilongekidhila ethigathano ndika lyo Nedbank oshoka okweli uvu ashike moRadio yoShiwambo ongulohi ya tetekela uudhano mbuka na ihe okwatokola akaninge waa umba umba ku yaha.

Angelina okwati okuli atula onguti puuya opo ishewe aka kuthombinga muudhano mbuka nomomuvo taguya Kalunga ngele okwe shi pitika.

Angelina 1: Omukwatakanithi gOshigwana moNedbank Gernot de Klerk ta gandja okambasikela okape ku meekulu Angelina Mbangula

Angelina 2: Meekulu Angelina Mbangula eli medhingoloko etitano pamwe naahingi yuumbasikela ooyakwawo

Angelina 3: Meekulu Angelina ta ulukile aanyasha komutse gOndjamba.

LEAVE A REPLY

Please enter your comment!
Please enter your name here