Ethigathano lyetanga lyokoompadhi Matimba lyatameke

0
201

KuPinehas Nakaziko

WINDHOEK – Oondjila adhihe mehuliloshiwike ndika odha taalela kekekopi lyuudhano wetanga lyokoompadhi, Matimba Heroes Cup ndyono tali tameke mo23-24 Auguste 2014, pokapale ketanga komukunda Onangombe, mElombe.

Elalakano lyekopi okudhimbulukwa nokusimaneka esiku lyomapendafule goshilongo shetu Namibia oshowo oku eta omaudhano moshitopolwa uunene kaagundjuka yomomukunda.

 Konyala oongundu dhomaudhano  dhi thike  pomulongo nambali (12) okuza moshikandjohogololo shaNayena, osho woo moondolopa ngaashi Ondangwa, Oniipa, Oshigambo, Eenhana osho wo omikunda dhopuushinda wElombe otadhi kakutha ombinga muudhano mbuka.

Moshikando oshitimugoyi (9) shekopi ndika nuumvo oosipana dhategelelwa ongaashi nee Nikky Durban ndjoka oyo yina ekopi, Oshendje Warriors, Onangombe Eleven Brothers, Blue City, Onambadhi FC , Havana City, Omalambo United, Oshiyela FC,  Enkolo Boys, Onayena Eleven, Oniihwa FC, Onanzi Club, Shomongwena FC okutumbulapo ashike dhimwepo.

Otadhi ka kondjela ne omasindano omawanawa mono gwotango taga kaya nekopi, oshimaliwa shooN$2000 noombandi dhoshingoli dhili 18. Omutiyali oshimaliwa shooN$1300 noombandi dhoshisiliveli o18, omutitatu nomutine ayehe otaya kamona oodola 600 koomuma, omanga omudhani dhingi, omutulimo gwookola odhindji nomukwati dhingi taya pandulwa noshimaliwa shoodola 100 noonzapo. Osipana ndjoka tayi kiihumbata nawa otayi pewa etanga lyongushu yo 500.

Kakele komaudhano getanga lyokoompadhi otapu kakala wo omainyanyudho kongundu yElombe Art Academy ndjoka wo oyo ya yambidhidha okunduluka oonzapo notayi kakala tayi tanga uudhano kehe wuli mokapale nokuthaaneka woo omafano.

 Omuwiliki gwekopi ndika Moses Nestory Matimba otati  nuumvo shiti ota tekele mbundje nomalongekidho onkene gakwata miiti. “Otandi indile uunene aanamukunda mumone ethimbo ne mu manguluke muye mu yambidhidhe aamwanyoko, oompito dhatya ngeyi ohadhi pumbu noka dhina oku ethiwa. Aadhani tanga ongaashi mushishi nale kutya okambwa ihaka kolwa esiku lyomilema onkene ilongekidheni thimbopepi oshoka kehe gumwe okwa hala asindane ekopi ndika,” Matimba tati ngaaka.

Aakwashilipaleki oshowo aawiliki yekopi otaya indile woo aanangeshefa yomoshitopolwa ye ete iilandithomwa yawo ngaashi iikulya niikunwa opo aadhani kaaya ihatepo kondjala nenota shino osha gandja wo nompito yiilongo moshitopolwa.

Kuuyelele owundji oto vulu okudhenga koongodhi tadhi landula Matimba 0812788249 naTsempo 0816143394.

Picture: Matimba, endhindhiliko lyotonamende ya Matimba ndjoka tayi dhanwa ehuliloshiwike ndika pokapale ketanga lyokoompadhi momukunda Onangombe megongalo Elombe moshikandjohogololo Onayena. Uudhano otawu dhanwa okudhimbulukwa omapenda gaNamibia ngoka ga kondja iita yemanguluko miiheke nomoongoya dhevi lyomapenda. Onangombe mElombe odho omikunda dhimwe moka iiti kwal hayi teka ngele aakondjelimanguluko ya tsakanene nomatanga gomukolonyeki pethimbo lyiita yemanguluko momimvo okuza 1966 sigo 1989.

LEAVE A REPLY

Please enter your comment!
Please enter your name here