House of Liberty yaNgwediva ya nagala mongeleki ipe

0
451

Komutoolinghundana

ONGWEDIVA – House of Liberty, ongeleki ya tembuka moPut More Fire. Ya totwa mOngwediva 2010 mewiliko lomufita Fabianus Fransiskus Tjaritjie, eongalo ola kala hali ongalele monhele yovanhu. Etungo longushu  N$500 000, ola tungwa moule weemwedi  heyali.

Mokunangekwa Juli 27, 2014 omufita Tjaritjie okwa holola nghee a kala oulefimbo moshilongatumo moChrist Love Ministry omo eli omufita omupashukili  wodistrika ei. House of Liberty oministry, omo ovafita veengeleki da yooloka tava dulu ku shakena va tungafane nghee ve na yakul’oshiwana pamukalo wokuuda ko eifano moshilongatumo shokuyambeka oshiwana.

Eyakulo moHouse of Liberty inali ngabekelwa ashike meongalo, ndee ola kwatela mo ovafita novayakuli veengerki di li li molwa ouwa woshiwana sha fya enota leendjovo daKalunga. Ovafita otava dulu kulonga moukumwe mokuyakula oshiwana nokomapipi okomesho. Ovayakulwa naavo vehe fi oilyo yeongalo ohava yakulwa meongalo eli loilyo ya koya po 5000, nomufita Tjaritjie okwa ti, ota longekida opo ongeleki I mone omhito yeishangifo  koshi yongongahangano yeengerki da hangana moNamibia.

Oshilongatumo eshi itashi longele ashike meni leongalo ndele osha kwatela mo ovaudifi veengeleki novayakulwa vomaitavelo a yooloka. Eengeleka da yooloka pondje yoshilongo oda ulika ohokwe okulongela kumwe  noHouse of Liberty okudja koIndia, Kenya, Angola, Zimbabwe, Zambia, Swaziland, SA eshi ovakalelipo va dimwe va li penangeko letungo longeleki. Eongalo oli na oinaagoga kOndangwa, Eenhana moshitukulwa shaHangwena, Rucana  Omusati, Katima Mulilo koZambezi.

Epangelo ola taalela oupyakadi ovanhu vahapu tava diki eengeleki, nomalalakno a yooloka.  Pefimbo opo tuu  opo omufita Champion Mayamiko woHouse of Miracles INTL koLivingstone shaZambia, a li penangeko longeleki okwa tumbula yo komaupyakadi okuprofeta kwavamwe hava popi oinima itai dulu ku popiwa monhanaisho, okuhatwa kumwe pokati kovafita veengeleki da yooloka,  ovanailongo  tava toto eengeleki nomalalakano vamwe inava deuka, vamwe tava kongo oimaliwa ilo efimano ponhele yokuyakul’oshiwana. Ei, oimwe tai  shololifa epangelo, noshiwana navali ovafita vamwe itava tale ketumwalaka lokuevaangelifa, ndele ohava tale kounhu womunhu.

Omufita Tjaritjie okwa tumbula kuvamwe hava sheke eengeleki, te va kumaida va shiive kutya,  mombiibeli inamu tongwaa edina kutya ongeleki ilipi yaKalunga, ndele va shiive kutya, ngee taku popiwa ovalanduli vaKrikstus hamolwaashi omunhu ho ongala kongerki yonhumbaile inya ndele exupifo lomunhu, omolwa oilonga yoye.  Okwa twa omukumo ovafita vakwao va shangife eengeleki davo koshi yongongahangano yeengerki moNamibia ku henukwe omapuko, noku yakul’oshiwana pauyuuki. Ongudu inene yovakwaneongalo novaenda va dja keembinga neembinga oya li peangeko longeleki la hovela July26-27, 2014.

LEAVE A REPLY

Please enter your comment!
Please enter your name here