Joe Archer  otaka dhikapo enongelo okudheula aadhengingonyo aashona

0
358

KuShipi Elago

ONGWEDIVA – Joe Archer gumwe gomaabokisi aakulu mevi Namibia ngoka ena ondjokonona onde noya yambapala, na otayi vulu okutsika ombuto yiiyimati iiwanawa moshigwana.

Okwa kumagidha aadhengingonyo noshowo aadhani yomaudhano galwe kutya eithano lyuudhano olina ethimbo lya ngambekwa onkene naye li longithe nawa opo uudhano wu yape iiyimati tayi hokitha yo yi ke ya kwathe uuna itaya vulu we okudhana.

Archer okwa tsikileko eya kumagidha wo opo yi ikaleke kokule niingangamithi opo ya kalekepo omalutu gawo yo ya kale yena uuluyi tawu longo nawa.

Omunamivo 66 nguka okwa gandja ekumagidho pethimbo ali a talelwapo ku Kundana pegumbo lye mOngwediva. Okwa hololele Oshifo shika nkene a li a tameke uudhano wobokisa ta ti “Uudhano wobokisa onde wu tamekele momumvo 1965 molukanda lwo Old Location moVenduka.

Joe Archer nena okwa tokola oku shunitha ontseyo ye moshigwana sho ena ethaneko okutotapo oshiputudhilo shokuzula aabokisi aashona.

 Archer okwati “Easy Brown Bomber na Levi Komomungondo oyo ya pendje omukumo oku kutha ombinga mUudhano woBokisa  nopethimbo mpoka ondali ndina omimvo ”

Okwa  tsikileko a ti sho a tameke neithano lye lyoBokisa moshilongo okwa lwa omalugodhi ogendji naabokisi mboka ta dhimbulukwa ongaashi Mbuerendende na Kahimise.Joe-Archer-4 Joe-Archer-2

Oyakala haya idheula pamwe naadhani ooyakwao ngaashi, Eddy Wilbard (Man Of Action) ngoka ali wo ehewa lye lyopothingo, Renny Touch, nakusa Easy Bomber, Packy Nuujoma, omwanamati gwomuKokoli Presidente, Omundohotola  Sam Nujoma.

Pamuthika guuyuni Archer  ota dhimbulukwa omadhina ngaashi Tony Morodi, nakusa ngashingeyi Baby Jake Matlala na Alfred Bugwane ngoka eli ngashiingeyi omuhikihiya nomugandji gwiitsa mUudhano woBokisa ongo yamwe yomwaamboka yakala nokwi idheula pamwe pamuthika ngoka.

Okwa kondja naabokisi ngaashi Norman Pangamaw Sekgapane, Nkosana Happ Boy Mgaji, Steve Masike omanga a li kohi yewiliko lya  Theo Mtembu.

Archer tati” olugodhi lwandje lwahugunina olwali pokati ketu na Griffith Ngjima 1975 mo East London sha South Africa.

Okwa kombo wo kombunda kuume ke Eddy Wilbard gwongesefa ya tseyika nawa moKahao Kalifornia ngoka wo a tseyika onga Man of Action sho ye eli gwotango mondjokonona yuudhano wobokisa okweeta uudhano woludhi nduka kiitopolwa yevi lyiimpungu.

Ota ti uudhano wobokisa hawu eta omainyanyudho,na otawu vulu okukandulapo oluhepo,nowuna oonkondo okugandja ombepo yevuliko moshigwana.

Joe Archer1 : Joe Archer pegumbo lye mOngwediva sho a li atalelwapo kuKundana

Joe Archer2 :Omavi sho gali omayamba  Blue Jaquar Morodi,Theo Mtembu,Alfred Buguane,Joe Archer, na Baby Jake Matlala

Joe Archer 3: Joe Archer na Baby Jake Matlala mpeyaka po Dube Boxing Club moJohannesburg ,South Africa 1999.

Joe Archer 4: Olugodhi lwa Joe Archer lwotango

Joe Archer 5: Olugodhi lwa Joe lwotango pamuthika gopauyuni.

LEAVE A REPLY

Please enter your comment!
Please enter your name here