Olufuko ota lu holola kutya oonkulunkedhi otadhi galuka

0
231

Omukulu gwo nale okwa tile inweenda ino mona go omeho iha ga gumbilwa enkolo.  Oshiindingili oshinenene moNooli shono hashi kala ko omumvo kehe osho sha thiki. Oshali enyanyu enene kaatali yonawa osho wo kaafuko naavali mbono ya li wo ya thiki megumbo lyOlufuko etiyali lyoshiwike shika.

Egumbo olya li lyudhililwa kenyanyu sho aakulukadhi taa tanta naasamane taya tangumuna sho aafuko taya thiki pegumbo opo tuu mpoka.  Oondigolo nadho wo odhali ta dhuuvika koombinga adhihe. Yo aafuko oyali  tayeende taya katuka ongenda yuuli tayi hokitha okutala.

Aafuko, uukadhona wuli mepipi egundjuka lelalela ooyene yoshiindingili oyali ya dhenga oombwa niiyaha.  Openi wa monene aafuko yongundu yi thike mpono ya gongala ya zala onguwo dhono dhali ha dhi zalwa kookuku yonale dhiipa yiinamwenyo? Owati iho fuuka? Oontana dha nelende odhali wo tadhi adhima dha gwayekwa moohanga dhomazimo gadho. Mpa wutye pamwe oya gwayekwa oshingoli aaye oshinima olufuko ependulepo lyomuthigululwakalo gwAawambo

Nakukutha omasipa kumwe oonamunganga mbono yeli ookatekete kolufuko ookatseyi konawa kokufukaleka. Mengungo lyaafuko mbono yali mo yevulithe omilongo hetatu metiyali mono oshowo oonakuvala oyendji yendji oonamunganga oyali tayii monikila omolwa oonguwo dhawo dhoopalekeka no mitse dha thulwa uufuuli lela.

Taayende ondyenda ya nuka po aakulukadhi aafuuli Melaka ta ya hokitha omuntu opo nangweye woo wu ka fukale. Oshali tashi kumitha unene okumona namunganga gomukulukadhi oshoka pamahokololo go nale namunganga anuwa omusamane ha kala mondjugo ngiika shono ha ningi aafuko anuwa mondjugo oyendji oye shuuva ngaa.

Ashike gumwe gomoonamunganga okwa tompo ehokololo ndyoka tati olyaa fele owala nangiika olya totwa opo mboka yahala okuka fukala yaaheshininge.  Kakele namunganga okwa li a yelitha kutya okufukikwa omukalo omukulukulu gookuku ngono wo guli gwa simana uunene tuu mokweeta oluvalo.

Ngiika omuleshi otiipula kutya namunganga oluvalo ote lweeta ngiini? Ngele owa hala okuuva nokutseya nawa ondjila nayi lale yuuka kOutapi hono omuntu to kiiyuuvila mokana kwaamba ye shililile komeho. Ashike pakutala ongundu onene yaanona opo ta ye ya mepipi lyuukadhona tau fukala, omuntu oku wete kutya oonkulunkedhi otadhi galuka, negaluko ndika olya taambwa ko koyendji moshigwana.

Elalakano lyolufuko okupendula po omuthigululwakalo nokulonga ohembundangele oohedhi dhookuku opo nepipi ndyoka ta li ka landula ko li kale wo lya teka mosha lyo lyi taandelithe wo komapipi taga ga kalandula ko.

Komainyanyudha gomuthigululwakalo ngono taga longo no taga tungu oshowo iipindi yilwe ya gwedhwapo oondjila nadhi taalele kOutapi kOmbalantu.  Anuwa iipindi omomeho.

LEAVE A REPLY

Please enter your comment!
Please enter your name here