Omfally okuuvite oye omuhikingalo dhingi monooli

0
260

KuPinehas Nakaziko

WINDHOEK – Nonando Omfally ina pititha natango omusholondondo gwoongalo dhe, okuuvite kutya oye omuhikingalo dhingi monooli yoshilongo ngele tashiya pokuninga oongalo.

Nedhina lye pakuudha, Simeon Fillemon Omfally ohahiki oongalo dhoKwaito noAfro-pop nokuna ehangano lye ye mwene lyoongalo hali ithanwa Efundja Entertainment.

Okangalo ke hoka opo kapiti omwedhi nguka taka ithanwa I am back to Kwaito, onkene takeshi enditha nawa koRadio Energy FM.

Pehulilo lyomwedhi nguka Omfally okwa tegelelwa aka imbe koExlusive Lounge mOngwediva. “Ondahala okulombwela mboka yeli popepi noOngwediva kutya Efundja Entertainment otali ka ulika uunongo walyo lyo itali kathiga nande emanya lyalonda kekwawo,” Omfally tati ngaaka.

Okwa gwedhapo ishewe tati ye keli naanaa ponkatu ndjoka yokupititha omusholondondo gwoongalo dhe ndele ota tsikile okulonga nuudhiginini opo athike ponkatu mpoka puna aahikingalo dhingi moshilongo ashihe.

Okwa mana ishewe okuninga okavidio kokangalo ke hoka Natuthikameni taka kapita kuyele  omwedhi taguya.

Omfally, ta pandula ishewe omahangano ngoka ga kala nokuyambidhidha mpaka naampeyaka ngaashi, Kashipu, Mike Dnangolo Dj Tocalo, Nsk  Marven Southgate naPapa .

Caption: Omfally ewete oye omuhikingalo dhingi muumbangalantu woshilongo.

LEAVE A REPLY

Please enter your comment!
Please enter your name here